07.09.2026 | 17:13
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Տավուշի մարզի պարեկները ձկնագողության դեպք են բացահայտել. վնասի չափը՝ շուրջ 470 հազար դրամ. ՆԳՆ
Հասարակություն
06.12.2025 | 18:41
Դիլիջանում պարեկները կանգնեցրել են «ՎԱԶ 2104», որի սրահում հայտնաբերվել է 210 հատ սիգ. բնությանը պատճառված վնասը գնահատվել է 470,500 դրամ, նյութերը՝ փոխանցվել նախաքննական մարմին։ Այս մասին տեղեկացնում են ՆԳՆ ոստիկանությունից։
«Պարզվել է, որ 58-ամյա տղամարդու մեքենայում 210 հատ սիգ տեսակի ձուկ կա. բուսական և կենդանական աշխարհին պատճառված վնասի չափը՝ 470 500 դրամ։
Տղամարդը հայտնել է, թե հայտնաբերվածը ձեռք է բերել անծանոթ անձից:
Կազմված փաստաթղթերը ներկայացվել են նախաքննական մարմին»,- ասվում է հաղորդագրությունում։
Հիշեցնենք՝ նոյեմբերի 20-ից փետրվարի 1-ը Սևանա լճում խստիվ արգելվում է սիգի արդյունագործական որսը։
Որսի կանոնները խախտելու, ինչպես նաև ապօրինի որսի դեպքում նախատեսվում են օրենքով սահմանված պատասխանատվության միջոցներ։
