12.10.2026 | 16:19
Ադրբեջանում 37 մարդ է ձերբակալվել դպրոցներում հիջաբի արգելքի դեմ բողոքի ցույցերի հետ կապված
Պարտավոր ենք արժանին մատուցելու նրանց, ովքեր կյանքի կոչեցին անկախության ուղին սկզբնավորող իրավական կարևոր փաստաթուղթը. Արցախի ԱԺ նախագահ
23.08.2020 | 15:21
Արցախի Հանրապետության ԱԺ նախագահ Արթուր Թովմասյանը շնորհավորական ուղերձ է հղել Հայաստանի անկախության Հռչակագրի ընդունման օրվա առիթով:
Ուղերձում ասվում է.
«Սիրելի՛ հայրենակիցներ
Շնորհավորում եմ բոլորիս Հայաստանի անկախության Հռչակագրի ընդունման օրվա առիթով։
1990 թվականի օգոստոսի 23-ին Հայաստանի Գերագույն Խորհրդի առաջին նստաշրջանն ընդունեց Հայաստանի անկախության մասին Հռչակագիրը՝ տալով անկախության գործընթացի մեկնարկը:
Պատմական օրվանից ուղիղ 30 տարի անց, մենք պարտավոր ենք արժանին մատուցելու բոլոր նրանց, ովքեր կյանքի կոչեցին անկախության ուղին սկզբնավորող իրավական կարևոր փաստաթուղթը՝ որպես հայ ժողովրդի միասնական և հավաքական կամքի լավագույն առհավատչյա, որպես հայոց պետականության կերտման անդրանիկ հայտ:
Անցած երեսուն տարիների ընթացքում մենք ազգովի ենք ապացուցել հռչակագրի ընդունման փաստի անառարկելիությունը՝ արտաքին և ներքին մարտահրավերներին դիմակայելով միասնական և հավաքական ուժով և ազգի առջև ծառացած մարտահրավերներին միայն այդպես դիմակայելու գիտակցման պատասխանատվությամբ:
Փա՛ռք Հայաստանի Հանրապետության անկախությանը, փա՛ռք հայ ժողովրդի միասնական ոգուն»։
