ՏԱՐԱԿԱՐԾԻՔ. Ընտանեկան բռնության  կանխարգելման մասին օրինագիծը հանուն, թե՞ ընդդեմ ընտանիքի ամրության

«Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրենքի նախագծի  ընդունումը տարիներ ի վեր տարբեր պատճառաբանություններով ձգձգվում է։ Մինչդեռ, ըստ վիճակագրության, իրավապահ մարմիններում 2016-ին ընտանեկան բռնության վերաբերյալ 359 քրեական գործ է հարուցվել, իսկ 2017-ի միայն  առաջին կիսամյակում՝ 215 քրեական գործ։ Վերջին 5 տարիների ընթացքում Հայաստանում գրանցվել է   50-ից ավելի կնասպանության դեպք, և այդ միտումը տարեցտարի չի նվազում։ 2012-2016 թթ․ պաշտոնապես ոստիկանության կողմից գրանցվել է ընտանեկան բռնության 3571 դեպք։ Այս վիճակագրությունը, սակայն, ընտանեկան բռնությունների միայն մի մասն է կազմում, քանի որ գաղտնիք չէ, որ ընտանիքներում կատարվող բռնությունների առնչությամբ տուժողները խիստ հազվադեպ են դիմում իրավապահ մարմիներին։

Ի դեպ, օրինագծի հանրային քննարկումն  օրերս անցավ թեժ մթնոլորտում։ Նախագծի ընդդիմախոսներն այն մի քանի անգամ ընդհատեցին։ Այնուամենայնիվ, հեղինակներն այն համոզման են, որ օրինագիծը   հարկավոր է օր առաջ ընդունել, իսկ ահա ընդդիմախոսները պնդում են, որ  օրինագծով փորձ է արվում կազմալուծել հայկական ավանդական ընտանիքը, երեխաներին օտարել  ընտանիքներից։ Ի վերջո,  օրինագծի ընդունումը մեր երկրի համար որքանո՞վ է օրակարգային, ի՞նչ կտա այն մեզ և արդյո՞ք պարունակում է վտանգներ։  Factor.am-ի հետ զրույցում թեմայի շուրջ իրենց կարծիքն են հայտնել «Ընդդեմ կանանց նկատմամբ բռնությունների կոալիցիայի» համակարգող Զարուհի Հովհաննիսյանն ու հասարակական գործիչ Խաչիկ Ստամբոլցյանը։

Աննա Բաբաջանյան