ԵնթաԴՐՈՒԹՅՈՒՆ. Վեթինգի կիրառման ձգձգումն ինչպե՞ս կանդրադառնա ընթացող դատավարությունների վրա․ ՏԵՍԱՆՅՈՒԹ

Մայիսի 20-ին դատաիրավական համակարգում վիրահատական միջամտության անհրաժեշության մասին խոսելով՝ վարչապետ Նիկոլ Փաշինյանը հայտարարեց՝ Հայաստանում գործող բոլոր դատավորները պետք է ենթարկվեն վեթինգի:

Այսինքն՝ հանրությունը պետք է ամբողջական տեղեկատվություն ունենա դատավորի քաղաքական կապերի ու ծագումնաբանության, գույքային վիճակի, դատավորի կարգավիճակում եւ նախորդ շրջանում ծավալած գործունեության, անհատական եւ պրոֆեսիոնալ հատկանիշների մասին:

Բացի այդ, Փաշինյանը շեշտեց՝ անցումային արդարադատության մեխանիզմների ներդրումը կենսական անհրաժեշտություն է Հայաստանի համար և պետք է ամփոփել վերջին յոթ-ութ ամիսներին այդ ուղղությամբ կատարված աշխատանքը։

Միեւնույն ժամանակ, հունիսի 5-ին լրագրողների հետ ճեպազրույցում վարչապետն ասաց՝ դատաիրավական այդ բարեփոխումները բավականին բարդ եւ ժամանակատար գործընթաց են եւ կարող են ձգձգվել մոտ երեք տարի։

Եթե վեթինգի կիրառումն ու անցումային արդարադատության մեխանիզմների ներդրումը ձգձգվի, ինչ հետևանք դա կունենա՝ հաշվի առնելով նաև այն, որ այժմ ընթանում են մի շարք աղմկահարույց դատավարություններ, որոնց լեգիտիմության հետ կապված կարող են կասկածներ ի հայտ գալ։

Թեմայի շուրջ Factor.am-ի հարցերին պատասխանել է ՀՀ վարչապետ Նիկոլ Փաշինյանը, ԱԺ «Իմ քայլը» խմբակցության պատգամավոր Լուսինե Բադալյանը, ԱԺ «Իմ քայլը» խմբակցության պատգամավոր Կարեն Սարուխանյանը, ԱԺ «Լուսավոր Հայաստան» խմբակցության պատգամավոր Անի Սամսոնյանը և ԱԺ «Բարգավաճ Հայաստան» խմբակցության պատգամավոր Սերգեյ Բարգարտյանը։

Մանրամասները՝ տեսանյութում։

Շողիկ Գալստյան