16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ԲՀԿ-ն առաջարկում է բնական աղետներից 50 %-ով տուժած գյուղատնտեսներին ազատել գույքի հարկից․ ՏԵՍԱՆՅՈՒԹ
Տնտեսություն
02.05.2019 | 15:56
Ազգային ժողովի տնտեսական հանձնաժողովի նիստում քննարկվում է «Բարգավաճ Հայաստան» խմբակցության պատգամավորների ներկայացրած նախաձեռնությունը Հարկային օրենսգրքում փոփոխություն կատարելու վերաբերյալ, որով առաջարկվում է գյուղատնտեսական նշանակության հողերի՝ տնամերձ և այգեգործական, բնակլիմայական աղետների հետևանքով (կարկուտ, երաշտ, ցրտահարություն և այլն) 50 % վնասվելու դեպքում գյուղատնտեսությամբ զբաղվող անձանց տալ անշարժ գույքի հարկի արտոնություն։
Ըստ նախագծի հիմնական զեկուցող ԲՀԿ-ական պատգամավոր Վահե Էնֆիաջյանի՝ գյուղատնտեսությունում տնտեսվարողները զգալի կորուստներ են կրում տարբեր բնական աղետների և անկանխատեսելի պատահարների հետևանքով և յուրաքանչյուր տարի կարկուտի պատճառով վնասվում են հանրապետության այգետարածքների 10-15%-ը, որոշ դեպքերում կարկտահարված տարածքներում բերքի կորուստը կազմում է 80-100%:
Պատգամավորի խոսքով՝ կարկտահարությունից վնասված բերքը կորցնում է ապրանքային տեսքը, որի պատճառով դժվար է դառնում նաև դրա իրացումը, արդյունքում զգալիորեն նվազում է հողօգտագործողների եկամուտները:
Նշենք, որ ըստ նախագծի՝ առաջարկվող փոփոխության ընդունման արդյունքում արդարացված կլինի հողօգտագործողին վնաս կրելու տարվա համար ազատել հողի հարկից, քանի որ բնակլիմայական աղետների հետևանքով հասցված վնասի դեպքում գյուղատնտեսությամբ զբաղվող անձանց օրենքի ուժով ազատելով վնասը կրելու տարվա համար հողի հարկ վճարելու պարտականությունից՝ պետությունը ֆինանսական աջակցություն կցուցաբերի գյուղացուն:
Նշենք, որ նախագծի վերաբերյալ ՀՀ Ֆինանսների նախարարությունը ներկայացրել է բացասական եզրակացություն։
Ըստ նախարարի տեղակալ Արման Պողոսյանի՝ այս փոփոխությունը կխեղաթյուրի գույքահարկի տրամաբանությունը։
Մանրամասները՝ տեսանյութում։
