11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
Հայաստանն ունի 2 մլրդ խմ ոռոգման ջրի պահանջարկ, իսկ ջրամբարների տարողունակությունը դրա կեսն է․ նոր տեխնիկան կարող է հարցը լուծել․ ՏԵՍԱՆՅՈՒԹ
Տնտեսություն
18.02.2019 | 18:01
Հայաստանն ունի 2 մլրդ խմ ոռոգման ջրի պահանջարկ, սակայն մեր ջրամբարների տարողունակությունը կազմում է դրա կեսը, որի հետևանքով ամեն տարի առաջանում է Սևանից ջրառ իրականացնելու խնդիրը, մինչդեռ մենք ունենք 8 մլրդ խմ-ի հասնող մակերևութային ջրեր, որոնք չեն օգտագործվում։
Այս մասին այսօր հրավիրված մամուլի ասուլիսի ժամանակ ասաց գյուղատնտեսական տեխնիկայի մասնագետ Ստեփան Խոյեցյանը՝ բարձրաձայնելով ջրամբարներ կառուցելու անհրաժեշտությունը։
«Սակայն այսօր կան որոշակի վերապահումներ ջրամբարներ կառուցելու վերաբերյալ, կան ռիսկեր․ ռիսկայնությունը կապված է սեյսմիկ անվտանգության և ջրակուտակման հետ: Հաջորդ խնդիրը արդյունավետության հարցն է, այդ հարցերը լուծելու համար պահանջվում են հսկայական գումարներ՝ 15 մլրդ դոլար, ինչը ևս լուրջ խնդիր է»,- ասաց Խոյեցյանը՝ ներկայացելով լուծման իր առաջարկը։
«Ստեղծել ենք մի մեքենա, մի տեխնոլոգիա, որը ճեղքեր է բացում հողի մեջ, փխրեցնում հողի շերտը։ Անձրաևաջրերն այդ ճեղքերով մտնում են հողի մեջ, փխրեցված հողը ջուրը կլանում է իր մեջ։ Դրանով բարձրացնում ենք հողի խոնավության մակարդակը, իսկ դա նշանակում է, որ նաև երաշտ չի լինի և այդ մակերևութային ջրերը հենց այնպես չեն գնա»,- ասաց Ստեփան Խոյեցյանը՝ նշելով, որ նման տեխնիկա կարելի է ունենալ ընդամենը մի քանի հազար դոլարով։
Մանրամասները՝ տեսանյութում։
Աղավնի Սուքիասյան
