Հասարակություն
02.08.2017 | 16:39«Ելք» խմբակցության անդամ Զարուհի Բաթոյանը և «Հայաստանի սպառողների ասոցիացիա» ՀԿ նախագահ Արմեն Պողոսյանն այսօր լրագրողների հետ զրույցում անդրադարձան քաղաքային տրանսպորտի ոլորտում առկա խնդիրներին ու մասնավորապես, թե հաշմանդամություն ունեցող անձինք ինչ խնդիրների են բախվում՝ տրանսպորտի անմատչելիության հետ կապված:
«Քաղաքապետարանի ենթակայության տակ գտնվող 668 ավտոբուս ունենք, որոնցից 25-ում վերջին 2-3 տարվա ընթացում վերելակներ են տեղադրվել, բայց այս պահին միայն 7-ն է աշխատում»,- ասաց Զարուհի Բաթոյանը՝ շեշտելով, որ ներկայացված թվերն իրեն տրամադրել է քաղաքապետարանի իրավաբանական վարչության պետը:
«Այսօր 41 երթուղիներից միայն 3-ում կան հաշմանդամություն ունեցող անձանց համար հարմարեցված ավտոբուսներ, սակայն 3 երթուղին միասին վերցրած՝ 7 ավտոբուս կա վերելակով: Քաղաքապետարանից պատասխանել են, որ սեպտեմբերից սկսած վերելակները կսկսեն աշխատել: Սակայն սա նույնպես չի կարգավորի խնդիրը տեղաշարժման խնդիր ունեցող մարդկանց համար»,- ասաց նա:
Նշենք, որ թեմային բազմիցս անդրադարձել է Factor.am-ը, իր՝ «Հաշմանդամություն ունեցողների համար տեղադրված վերելակները չեն օգտագործվում», «Ինչո՞ւ են մայրաքաղաքի ավտոբուսներից հանվել հաշմանդամություն ունեցողների համար նախատեսված 14 վերելակները», «Ինչո՞ւ են մայրաքաղաքի ավտոբուսներից հանվել հաշմանդամություն ունեցողների համար նախատեսված 14 վերելակները» վերտառությամբ հրապարակումներում:
Առավել մանրամասն՝ տեսանյութում:
