ՀՀ ՏԿԵ նախարար Դավիթ Խուդաթյանն այսօր Կոտայքի մարզպետի աշխատակազմին է ներկայացրել նորանշանակ մարզպետ Լիլիթ Ստեփանյանին․ հայտնում են ՏԿԵ նախարարությունից։ Նախարարը շնորհավորել է տիկին Ստեփանյանին նշանակման կապակցությամբ և հաջողություններ մաղթել պատասխանատու պաշտոնում։ Նախարարն ընդգծել է, որ Լիլիթ Ստեփանյանը Կոտայքի մարզից է, լավ է ճանաչում մարզը և քաջատեղյակ է առկա խնդիրներին, և վստահություն է հայտնել, որ նրա …

Նոյեմբերի 2-ին Ազգային ժողովում կմեկնարկեն 2027 թվականի պետական բյուջեի նախագծի նախնական քննարկումները։ Քննարկումներին ներկա կլինի նաև վարչապետ Նիկոլ Փաշինյանը։ Կառավարության ներկայացրած նախագծով՝ 2027 թվականի պետական բյուջեի եկամուտները նախատեսվում են 3 տրիլիոն 603.8 միլիարդ դրամ, ծախսերը՝ 4 տրիլիոն 72 միլիարդ դրամ։ Բյուջեի պակասուրդը կկազմի 468.2 միլիարդ դրամ։ Պետական բյուջեի եկամուտների հիմնական մասը՝ 3 տրիլիոն 462.7 միլիարդ …

Նոյեմբերի 2-ին՝ ժամը 11։30-ից մինչև 12։30-ն ընկած ժամանակահատվածում, Արարատի մարզի «Վարդաշենի միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով գործնական պարապմունք, որի ընթացքում գործարկվելու է էլեկտրական շչակ։ Այս մասին տեղեկացնում են ՀՀ ՆԳՆ Փրկարար ծառայությունից` խնդրելով բնակչությանը չանհանգստանալ։  

Ռուսական և ուկրաինական զորքերը մարտական գործողություններ են իրականացնում ոչ միայն ցամաքում և օդում, այլև ստորգետնյա գազատար խողովակներում։ Անօդաչու թռչող սարքերի հարվածներից խուսափելու և հակառակորդի թիկունք ներթափանցելու նպատակով երկու կողմերն էլ սկսել են օգտագործել նախկինում գազի տեղափոխման համար ծառայած խողովակաշարերի ցանցը։ The Atlantic-ի և The New York Times-ի հրապարակումների հիման վրա Meduza-ն անդրադարձել է պատերազմի այս …

ԱՄՆ պետքարտուղար Մարկո Ռուբիոն կասկած է հայտնել Ուկրաինայում պատերազմը մոտ ապագայում ավարտելու հնարավորության վերաբերյալ։ Այս մասին նա հայտարարել է շաբաթ՝ հոկտեմբերի 31-ին, Ատլանտայում G20-ի անդամ երկրների արտգործնախարարների հանդիպման արդյունքներով հրավիրված մամուլի ասուլիսի ժամանակ՝ պատասխանելով լրագրողների հարցերին․ գրում է dw.com-ը։ «Ես չգիտեմ՝ հնարավո՞ր է արդյոք Ուկրաինայում խաղաղության հասնել բանակցությունների միջոցով։ Հենց դա էլ փորձում ենք պարզել։ …

Ներկայացնում ենք Հայաստանի փոխանակման կետերի կողմից գնվող և վաճառվող արտարժույթների փոխարժեքները նոյեմբերի 1-ի դրությամբ՝ ըստ rate.am-ի: Ամերիկյան մեկ դոլարը գնվում է 359 դրամ փոխարժեքով, վաճառվում՝ 361 դրամ փոխարժեքով: Մեկ եվրոն գնվում է 400 դրամ փոխարժեքով, վաճառվում՝ 403 դրամ փոխարժեքով: Մեկ ռուսական ռուբլին գնվում է 4.15 դրամ փոխարժեքով, վաճառվում՝ 4,23 դրամ փոխարժեքով։

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Հոկտեմբերի 31-ին հայտնաբերվել է ՊՆ N զորամասի զինծառայող Տ. Ս.-ի (ընտանիքը սահմանված կարգով տեղեկացված է) դին՝ հրազենային վնասվածքով: Այս մասին հայտնում են պաշտպանության նախարարությունից։ Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակիցներին։

Հայաստանի ներկայացուցիչ Ալինա Չարաևան եզրափակիչ է դուրս եկել Իտալիայում անցկացվող Valle d’Aosta Ladies Open մրցաշարում, որտեղ տարել է չորրորդ հաղթանակը: Կիսաեզրափակիչում 24-ամյա թենիսիստը մրցել է աշխարհի 135-րդ ռակետ, ֆրանասիացի Էլզա Ժակմոյի հետ ու հաղթել 3 սեթում` 6:2, 4:6, 1:6։ Մրցախաղը տևել է 1 ժամ 51 րոպե: Եզրափակիչում Ալինա Չարաևայի մրցակիցը կլինի գերմանացի Նոմա Նոա Ակուգուեն: …

Բահրեյնում ընթացող Մանամայի երկխոսություն համաժողովի շրջանակներում ՀՀ ԱԳՄԱ նախարարի տեղակալ Անի Ավետիսյանը հանդիպում է ունեցել Embraer ընկերության Աֆրիկայի և Միջին Արևելքի հետ ինստիտուցիոնալ հարաբերությունների գծով գլխավոր տնօրեն Հուսեյն Դաբբասի և նույն ընկերության Միջին Արևելքի և Կենտրոնական Ասիայի երկրներում վաճառքների գծով տնօրեն Տահար Զաուշի հետ։ ԱԳՄԱ նախարարության փոխանցմամբ՝ Տահար Զաուշը ներկայացրել է ընկերության ծրագրերը և առաջարկները։ …