26.10.2026 | 21:27
Ստեփանավանում «Գործարար»-ի թեկնածուն ՔՊ կուսակցության անդամ է․ Վահագն Ալեքսանյան. ՏԵՍԱՆՅՈՒԹ
Ազգային ժողովն ընդունեց կենդանիների պաշտպանության մասին նոր օրենքը
Հասարակություն
25.03.2026 | 12:49
Ազգային ժողովը 2-րդ ընթերցմամբ և ամբողջությամբ ընդունեց «Կենդանիների նկատմամբ պատասխանատու վերաբերմունքի մասին» և կից օրենքների նախագծերի փաթեթը՝ ձայների 68 կողմ, 1 դեմ, 26 ձեռնպահ հարաբերակցությամբ։
Պատգամավոր Մերի Գասլտյանը երեկ նշել էր՝ առաջինից երկրորդ ընթերցում նախագծի հեղինակները բազմաթիվ դիտարկումներ և առաջարկներ են ստացել թե՛ Կառավարությունից, թե՛ հասարակական կազմակերպություններից, թե՛ կենդանապաշտպան անհատներից և պատգամավորներից:
«Քննարկման առարկա էր դարձել, որ նախագծով կենդանիների քնեցման հիմքերը կարող են չարաշահվել, մենք ավելացրել ենք կետերից մեկում «անբուժելի» բառը։ Օրենքի նախագծի այն կետերում, որտեղ թույլատրվում էր քնեցնել վարակիչ հիվանդություն ունեցող կենդանիներին՝ առողջապահական կամ այլ նկատառումներից, վտանգի նկատառումներից ելնելով, ավելացրել են ք «անբուժելի վարակիչ հիվանդությունների» ձևակերպումը, հավելյալ պաշտպանություն ենք ավելացրել՝ կենդանիների քնեցումը թույլ չտալու նպատակով»,- նշել էր Գալստյանը:
