06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Կքնեցվեն միայն անբուժելի, վարակիչ հիվանդություններ ունեցող կենդանիները․ նախագիծը լրացվել է. ՏԵՍԱՆՅՈՒԹ
24.03.2026 | 14:22
Ազգային ժողովը քննարկեց «Կենդանիների նկատմամբ պատասխանատու վերաբերմունքի մասին» օրենքի նախագիծը՝ հարակից օրենքների նախագծերի փաթեթով։
Պատգամավոր Մերի Գասլտյանը նշեց՝ այս ընթացքում նախագծի հեղինակները բազմաթիվ դիտարկումներ և առաջարկներ են ստացել թե՛ Կառավարությունից, թե՛ հասարակական կազմակերպություններից, թե կենդանապաշտպան անհատներից և պատգամավորներից:
«Քննարկման առարկա էր դարձել, որ նախագծով կենդանիների քնեցման հիմքերը կարող են չարաշահվել, մենք ավելացրել ենք կետերից մեկում «անբուժելի» բառը։ Օրենքի նախագծի այն կետերում, որտեղ թույլատրվում էր քնեցնել վարակիչ հիվանդություն ունեցող կենդանիներին՝ առողջապահական կամ այլ նկատառումներից, վտանգի նկատառումներից ելնելով, ավելացրել են ք «անբուժելի վարակիչ հիվանդությունների» ձևակերպումը, հավելյալ պաշտպանություն ենք ավելացրել՝ կենդանիների քնեցումը թույլ չտալու նպատակով»,- նշեց Գալստյանը:
Պատգամավորի խոսքով՝ նախագիծն ամբողջությամբ ուղղված է կենդանիների նկատմամբ պատասխանատու վերաբերմունքի խթանմանը:
Մանրամասները՝ տեսանյութում։
