02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Թուրքիայի օդային տարածքի խախտումն անընդունելի է. Ֆիդանը՝ Իրանի ԱԳ նախարարին
Քաղաքականություն
10.03.2026 | 17:03
Թուրքիայի արտաքին գործերի նախարար Հաքան Ֆիդանը Իրանի իր պաշտոնակից Աբբաս Արաղչիի հետ հեռախոսազրույցում փոխանցել է Անկարայի ուղերձը՝ «թուրքական օդային տարածքի խախտումն անընդունելի է», հաղոորդում է TRT Haber-ը։
Թուրքիայի ԱԳՆ աղբյուրների տեղեկացմամբ՝ Ֆիդանը նաև ընդգծել է, որ Թուրքիան շարունակելու է ձեռնարկել բոլոր անհրաժեշտ միջոցները դրա դեմ։ Նա հավելել է՝ բոլոր կողմերը պետք է զերծ մնան այնպիսի գործողություններից, որոնք կարող են խաթարել տարածաշրջանային անվտանգությունը և վտանգներ ստեղծել քաղաքացիական բնակչության համար։
Աբբաս Արաղչին, իր հերթին, հայտարարել է, որ Թուրքիայի օդային տարածքը թիրախավորող հրթիռներն իրանական ծագում չունեն, և որ այդ հարցի վերաբերյալ համապարփակ հետաքննություն կանցկացվի։
Թուրքիայի ազգային պաշտպանության նախարարությունը երկուշաբթի հայտարարել էր, որ Իրանից արձակված և Թուրքիայի օդային տարածք մտած բալիստիկ հրթիռը որսացել են ՆԱՏՕ-ի օդային և հակահրթիռային պաշտպանության միջոցները, իսկ բեկորներն ընկել են Գազիանթեփի դատարկ հողատարածքների վրա։ Սա մեկ շաբաթվա արդեն ընթացքում երկրորդ նմանատիպ միջադեպն է։
Թարգմանությունը՝ Էմմա Չոբանյանի
