02.03.2026 | 13:00
Արթուր Խաչատրյանի ճեպազրույցը. ՈՒՂԻՂ
Դատախազությունը պահանջում է ՀՀ կրթության և գիտության նախկին նախարար Լևոն Մկրտչյանից բռնագանձել 35 անշարժ և շարժական գույք, շուրջ 1.2 միլիարդ դրամ
Հասարակություն
02.03.2026 | 09:51
ՀՀ գլխավոր դատախազությունից հայտնում են, որ Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:
«Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ կրթության և գիտության նախկին նախարար Լևոն Հովհաննեսի Մկրտչյանից և նրան փոխկապակցված անձանցից հօգուտ Հայաստանի Հանրապետության բռնագանձել՝
– 26 անշարժ գույք.
– 7 տրանսպորտային միջոց.
– 5 իրավաբանական անձանցում մասնակցություն.
– 893 միլիոն 449 հազար դրամ՝ որպես ապօրինի դրամական միջոցների մնացորդ.
– 276 միլիոն 106 հազար դրամ, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել»,- ասված է հաղորդագրությունում։
Նշենք, որ Հայ Յեղափոխական Դաշնակցություն կուսակցության անդամ Լևոն Մկրտչյանը ՀՀ կրթության և գիտության նախարար է աշխատել՝ 1998-1999, 2001-2003, 2006-2008 և 2016-2018 թվականներին։ Զբաղեցրել է նաև ՀՀ վարչապետի խորհրդականի ու ՀՀ ԱԳ նախարարի տեղակալի պաշտոններ։
