18.08.2026 | 13:50
Արեգնազ Մանուկյանի և դստեր հանդիպման արգելքի մասին տեղեկություն ենք ուզել իրավապահներից. Մինասյան․ ՏԵՍԱՆՅՈՒԹ
«Բենֆիկայի» ֆուտբոլիստը որակազրկվել է Վինիսիուսի հետ ռասիստական սկանդալից հետո
24.02.2026 | 16:23
Լիսաբոնի «Բենֆիկայի» արգենտինացի կիսապաշտպան Ջանլուկա Պրեստիանին ժամանակավորապես հեռացվել է ՈՒԵՖԱ-ի հովանու ներքո անցկացվող մրցաշարերից։ Այդ մասին նշված է ՈՒԵՖԱ-ի կարգապահական կոմիտեի արձանագրությունում։
20-ամյա ֆուտբոլիստը կասկածվում է Չեմպիոնների լիգայի անցումային փլեյ-օֆֆի առաջին խաղում Մադրիդի «Ռեալի» բրազիլացի հարձակվող Վինիսիուս Ժունիորի հասցեին ռասիստական վիրավորանքներ հնչեցնելու մեջ։
Պորտուգալիայում կայացած հանդիպման միակ գոլը խփելուց հետո Վինիսիուսը մրցավարին հայտնել էր, որ Ջանլուկա Պրեստիանին ռասիստական բնույթի վիրավորանքներ է հնչեցրել իր հասցեին։ Հակառասիստական արձանագրության համաձայն՝ խաղը դադարեցվել էր 10 րոպեով։
«Բենֆիկան» պաշտոնապես հայտարարել է, որ բողոքարկելու է որոշումը։ Այնուամենայնիվ, Պրեստիանին բաց կթողնի «Ռեալի» դեմ պատասխան խաղը, որը կկայանա փետրվարի 25-ին Մադրիդում։
