27.10.2026 | 14:42
Զանգվածային բախում՝ Թուրքիայի առաջնության կենտրոնական խաղում. ՏԵՍԱՆՅՈՒԹ
Թուրքական Անթալիայում պտտահողմի հետևանքով 4 մարդ է զոհվել
Քաղաքականություն
27.10.2026 | 14:04
Թուրքիայի հարավում՝ Անթալիայում, պտտահողմը շինհրապարակում չորս բանվորի կյանք է խլել, ևս մեկը վիրավորվել է։ Ուժեղ պտտահողմը քանդել է երկու կոնտեյներները, որտեղ բնակվում էին բանվորները։ Պտտահողմը դրանք պոկել և շպրտել է տեղից, գրում է Turkiye today-ը։
Դեպքի մասին ահազանգից հետո տարածք են ժամանել շտապօգնության խմբերը, ոստիկաններն ու հրշեջները։ Երկուսը մահացել է դեպքի վայրում, իսկ մյուս երկուսը մահացել են հիվանդանոց տեղափոխվելուց հետո։ Փրկված բանվորը թեթև վնասվածքներ է ստացել։ Հաղորդվում է, որ նրա վիճակը լավ է։
Անթալիայի նահանգապետ Հուլուսի Շահինն այցելել է դեպքի վայր՝ վնասները գնահատելու համար։ Նա լրագրողներին ասսել է, որ մրրիկը շինհրապարակում նաև կռունկ է տապալել, սակայն դրա փլուզման հետևանքով լրացուցիչ զոհեր կամ վիրավորներ չեն եղել։ Նրա խոսքով՝ քաղաքի որևէ այլ հատվածում փոթորկի կամ տորնադոյի մասին հաղորդումներ չեն ստացվել։
Նշվում է, որ պտտահողմը հարվածել է Անթալիային այն ժամանակ, երբ տարածաշրջանը պատրաստվում է մի քանի օր շարունակվող անբարենպաստ եղանակային պայմաններին։ Թուրքիայի պետական օդերևութաբանական ծառայությունը հոկտեմբերի 27-ի համար կանխատեսվող հորդառատ անձրևների պատճառով դեղին մակարդակի նախազգուշացում է հայտարարել։
Օդերևութաբանական ծառայությունը նախազգուշացրել է հանկարծակի հեղեղումների, ջրհեղեղների, կայծակի, պտտահողմերի և ուժեղ քամիների վտանգի մասին, որոնք կարող են խաթարել տրանսպորտի աշխատանքը։
Հորդառատ անձրևներ են կանխատեսվում նաև չորեքշաբթի և հինգշաբթի, իսկ ուրբաթ դրանց ինտենսիվությունը կնվազի։
Անբարենպաստ եղանակը չի սահմանափակվում միայն Անթալիայով․ կանխատեսումների համաձայն՝ հորդառատ անձրևներ են սպասվում նաև Էգեյան, Միջերկրական և Մարմարա ծովերի տարածաշրջանների որոշ հատվածներում։
Թարգմանությունը՝ Էմմա Չոբանյանի
