28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
Երևանում ավարտվել է բասկետբոլի Եվրասիական լիգան
23.02.2026 | 12:45
Սպորտի կառավարման կենտրոնում ավարտվել է բասկետբոլի «Եվրասիական լիգա-Երևանի քաղաքապետի գավաթ» միջազգային մրցաշարը։
Մրցաշարի հաղթող է դարձել Լիբանանը ներկայացնող «Հուպսը», որը եզրափակիչում 91։82 հաշվով առավելության է հասել վրացական «Օրբիի» նկատմամբ։
Երրորդ տեղի համար խաղում մրցել են հայկական «Ուրարտուն» ու «Էրեբունին»։ Լարված պայքարում անցած խաղում «Ուրարտուն» հաղթել է մեկ միավորի առավելությամբ՝ 113:112։
Թիմերին պարգևատրել են Երևանի քաղաքապետարանի սպորտի և երիտասարդության հարցերի վարչության պետ Արսեն Մակվեցյանը և Եվրասիական լիգայի հիմնադիր, «Ուրարտու» ակումբի տնօրեն Կարեն Գիլոյանը։
