28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ԱՄՆ-ն և ՌԴ-ն գրեթե հավասարվել են․ ինչքան փող են 2025-ին արտերկրից ստացել ՀՀ քաղաքացիները
17.02.2026 | 14:10
2025 թվականին Հայաստանի բանկերի միջոցով քաղաքացիներին փոխանցվել է 711 մլն դոլար։ Սա տրանսֆերտների զուտ ներհոսքն է։ Ընդհանուր առմամբ, ըստ Կենտրոնական բանկի տվյալների, անցած տարի Հայաստան դրամական փոխանցումների ծավալը եղել է 846․5 մլն դոլար, սակայն միաժամանակ 134․6 մլն դոլար արտահոսք է եղել։
Ուշագրավ է, որ ավանդաբար տրանսֆերտների ամենամեծ զուտ հոսքը Հայաստան եղել է Ռուսաստանից, սակայն վերջին տարիներին այն զգալի նվազել է, իսկ ԱՄՆ-ից՝ ավելացել։ Արդյունքում՝ 2025-ին այս 2 երկրներից գրեթե նույն քանակի փող է փոխանցվել Հայաստան։
2022-ին Ռուսաստանից տրանսֆերտների պիկը, հիշեցնենք, գրանցվել է ռուս-ուկրաինական պատերազմով պայմանավորված։
Գայանե Խաչատրյան
