13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Էդուարդ Սպերցյան․ 2025 թվականն առանձնահատուկ էր ինձ համար
01.01.2026 | 16:23
Հայաստանի ազգային հավաքականի ավագ, Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանը շնորհավորել է Ամանորի առթիվ:
«Սիրելի՛ ընկերներ, շնորհավորում եմ նոր՝ 2026 թվականի առթիվ: Ցանկանում եմ մաղթել ամենակարևորը՝ թող ձեր կողքին միշտ լինեն սիրելի մարդիկ՝ առողջ ու երջանիկ։ Թող բոլորիդ երազանքներն իրականանան: Հիշեք՝ ամեն բան ձեր ձեռքում է, այդ պատճառով երբեք մի հանձնվեք։
Իհարկե, անցած տարին առանձնահատուկ էր ինձ համար։ Մենք իրականացրինք մեր երազանքը և չեմպիոն դարձանք հարազատ ակումբի հետ։ Մնացածը դեռ առջևում է։
Շնորհակալ եմ յուրաքանչյուրին աջակցության ու սիրո համար անցնող տարում։ Բոլորիդ մաղթում եմ լավ հանգստյան օրեր»,- տելեգրամյան ալիքում գրել է 25-ամյա ֆուտբոլիստը։
Հիշեցնենք, որ վերջերս Էդուարդ Սպերցյանը ճանաչվել էր Հայաստանի լավագույն ֆուտբոլիստ։
