28.09.2026 | 22:28
Չեմ տեսել,որ եղել է,հետո հեռացվել է․ ՔՊ խմբակցության քարտուղարը՝ Ալբերտ Հովհաննիսյանի լուսանկարի մասին. ՏԵՍԱՆՅՈՒԹ
Եթե Վիգեն Սարգսյանը սովոր է, որ ՀՀ իշխանությունները պետք է ծուռ վզով և կիսածնկած վիճակում արտաքին քաղաքականություն վարեն, ուզում եմ հիասթափեցնել. Նիկոլ Փաշինյան
Քաղաքականություն
27.10.2018 | 17:41
Այսօր ՀՀ վարչապետի պաշտոնակատար Նիկոլ Փաշինյանը պատասխանելով լրագրողների հարցերին, թե ինչ կպատասխանի պաշտպանության նախկին նախարար Վիգեն Սարգսյանի արտահայտած այն դիտարկմանը, որ Նիկոլ Փաշինյանն իր վարած արտաքին քաղաքականությամբ հետևողականորեն ավիրում է այն, ինչ ստեղծվել է տասնամյակներով, պատասխանել է, որ ՀՀ իշխանությունները վարում են արժանապատիվ քաղաքականություն:
«Եթե Վիգեն Սարգսյանը սովոր է, որ Հայաստանի իշխանությունները պետք է ծուռ վզով և կիսածնկած վիճակում արտաքին քաղաքականություն վարեն, և եթե դա է իրենց պատկերացրած արտաքին քաղաքականությունը, ուզում եմ հիասթափեցնել Վիգեն Սարգսյանին և իր բոլոր գործընկներին, ՀՀ իշխանությունները վարում են շատ հստակ, ինքնավստահ ու արժանապատիվ երկրին վայել, արժանապատիվ քաղաքականություն»,- ասել է նա:
