20.10.2026 | 11:20
Կանանց պահանջներն ու առաջարկները՝ կենսաբազմազանության պահպանման օրակարգում․ ՈՒՂԻՂ
Հ1-ը ներողություն է խնդրում Թաթայի համերգը սեպտեմբերի 27-ին ցուցադրելու համար․ պատասխանատվության ենթարկվողների մասին խոսք չկա
28.09.2026 | 12:03
Հանրային ՀԸ-ն ներողություն է խնդրում երեկ՝ պատերազմի տարելիցի օրը, Թաթայի համերգը հեռարձակելու համար, ինչին բազմաթիվ քաղաքացիներ սոցցանցերում արձագանքել են սուր քննադատություններով։
«Սեպտեմբերի 27-ին Հանրային հեռուստաընկերության եթերում հեռարձակված ժամանցային համերգը սխալ էր, և մենք ամբողջությամբ ընդունում ենք դրա պատասխանատվությունը։ Մենք չենք փորձելու տեղի ունեցածն արդարացնել ծրագրային, տեխնիկական կամ աշխատանքային հանգամանքներով։ Ներողություն ենք խնդրում կատարվածի համար։ Վերանայվում են համապատասխան աշխատանքային ընթացակարգերը՝ նման դեպքերի կրկնությունը բացառելու համար»,- նշված է Հանրային ՀԸ-ի տարածած հաղորդագրությունում։
Հանրային միջոցներից սնվող ՀԸ-ի հաղորդագրությունում որևէ տեղեկություն չկա այն մասին, թե այս արարքի հետևանքներն ովքեր են կրելու, անհայտ է՝ լինելո՞ւ են նկատողություններ կամ աշխատանքից հեռացումներ։
Հիշեցնենք, որ երեկ Factor.am-ը պարզաբանում էր խնդրել Հանրային ՀԸ-ից, թե ինչու են սեպտեմբերի 27-ին՝ պատերազմի մեկնարկի տարելիցին, եթերացանկում համերգ ներառել, ինչին ի պատասխան Հանրայինից գրավոր հարցում էին պահանջել, ինչն արել էինք։
Ստացվում է՝ պարզաբանման համար Հանրային ՀԸ-ին հնգօրյա ժամկետ անհրաժեշտ չէր, սակայն, երեկ արհեստականորեն խոչընդոտներ են ստեղծել և Factor.am-ին մեկնաբանություն չեն տվել։
Թեմային ավելի վաղ անդրադարձել էր նաև Թաթան։ Նա անընդունելի էր համարել իր համերգը պատերազմի մեկնարկի տարելիցին ցուցադրելը, ինչը ըստ նրա՝ իր հետ համաձայնեցված չի եղել։
Նարեկ Կիրակոսյան
