21.10.2026 | 09:46
ՀՀ տարածքում ավտոճանապարհներն անցանելի են
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
28.09.2026 | 02:28
Երգիչ Թաթա Սիմոնյանն անդրադարձել է սեպտեմբերի 27-ին Հանրային հեռուստաընկերությամբ իր համերգի ցուցադրմանը՝ նշելով, որ դա անթույլատրելի էր։
«Ես ներողություն եմ խնդրում կատարվածի համար, բայց կարևոր եմ համարում տեղեկացնել, որ համերգը հանդիսանում է Հանրային հեռուստաընկերության սեփականությունը։ Նյութն օգտագործվել է առանց ինձ հետ համաձայնեցնելու»,- գրել է Թաթա Սիմոնյանը:
Նա սեպտեմբերի 27-ին համերգի ցուցադրումը Հանրայինի կողմից համարում է «արդարացում չունեցող կոպիտ սխալ»։
Նշենք, որ սեպտեմբերի 27-ին` 44-օրյա պատերազմի 6-րդ տարելիցի օրը, Հանրային հեռուստաընկերությունը ցուցադրել է Թաթա Սիմոնյանի մասնակցությամբ «Ֆեստիվառ» տոնական համերգը:
Թե ինչու է Հեռուստաընկերությունը եթերացանկում «Համերգ-ֆեստիվառ» ընդգրկել, Factor.am-ի հարցին բանավոր մեկնաբանություն չեն տվել` հորդորելով դիմել գրավոր:
Նշենք, որ Factor TV-ն գրավոր հարցմամբ արդեն դիմել է Հանրային ՀԸ-ին։
Արփի Հակոբյան
