28.09.2026 | 22:28
Չեմ տեսել,որ եղել է,հետո հեռացվել է․ ՔՊ խմբակցության քարտուղարը՝ Ալբերտ Հովհաննիսյանի լուսանկարի մասին. ՏԵՍԱՆՅՈՒԹ
Հ1-ը երեկ ոչ միայն միայն հեռարձակել է Թաթայի համերգը, այլև մի քանի ժամ անց կրկնել
Քաղաքականություն
28.09.2026 | 22:13
Հանրային ՀԸ-ն երեկ՝ 44-օրյա պատերազմի մեկնարկի տարելիցին, ոչ միայն հեռարձակել է Թաթայի համերգը, այլև նույն համերգը մի քանի ժամ անց կրկնել։
Factor.am-ը «Առաջին ալիքի» ծրագրերի բաժնից տեղեկացավ, որ Հայաստանի համար ողբերգական օրը՝ սեպտեմբերի 27-ին, ժամը 17:20-ին հեռարձակվել է համերգը, իսկ գիշերը՝ 03:40-ին, այն վերահեռարձակվել է։
Այսօր «Առաջին ալիքը» հայտարարություն է տարածել, որ սեպտեմբերի 27-ին Հանրային հեռուստաընկերության եթերում հեռարձակված ժամանցային համերգը սխալ էր, և իրենք ամբողջությամբ ընդունում են դրա պատասխանատվությունը։
«Առաջին ալիքը» համերգը առաջին անգամ հեռարձակելուց 18 ժամ 19 րոպե, իսկ կրկնելուց՝ 8 ժամ անց միայն հայտարարել է, որ սխալ է թույլ տվել։ Այսինքն՝ համերգի առաջին հեռարձակումից հետո առաջացած դժգոհություններից ու քննադատություններից Հանրային ՀԸ-ն որևէ հետևություն չի արել, ինչի վկայությունն է նույն համերգը երկրորդ անգամ ցուցադրելը։
«Առաջին ալիքը», թեև հաղորդագրությունում ներողություն է խնդրել, սակայն այդպես էլ հանրությանը չի հայտնել՝ պատերազմի մեկնարկի տարելիցի օրը համերգը հեռարձակելու որոշումը կոնկրետ ով է կայացրել, և արդյոք որևէ մեկը դրա համար պատասխանատվության ենթարկվելո՞ւ է։
Factor.am-ը այս թեմայով մի շարք հարցեր է ուղղել Հանրային ՀԸ-ի տնօրեն Հովհաննես Մովսիսյանին։ Պատասխանները դեռ չենք ստացել։
Նարեկ Կիրակոսյան
