29.06.2026 | 12:34
Ուկրաինական ԱԹՍ-ների հարձակումից հետո Դոնեցկը, Խերսոնի և Զապորոժիեի շրջանների մի մասը մնացել են առանց էլեկտրականության
Պաշտոնանկություն և փոխատեղումներ՝ Երևանի քաղաքապետարանում
Քաղաքականություն
02.10.2025 | 17:18
Երևանի քաղաքապետարանի աշխատակազմի վերահսկողության վարչության պետի պաշտոնակատար Աննա Գևորգյանն ազատվել է աշխատանքից։ Factor.am-ի այս տեղեկությունը հաստատեցին քաղաքապետարանի լրատվության վարչությունից։
Որ Գևորգյանը հրաժարականի դիմում է ներկայացրել, Factor.am-ը գրել էր օգոստոսի վերջին։
Մենք գրել էինք նաև, որ անշարժ գույքի կառավարման վարչության պետ Վահան Խաչատրյանը ևս հրաժարականի դիմում է ներկայացրել, սակայն մեր աղբյուրի փոխանցմամբ՝ հնարավոր է եղել համոզել Խաչատրյանին, որպեսզի նա հետ կանգնի իր որոշումից։ Վերահսկողության վարչության պետի պաշտոնում Աննա Գևորգյանին փոխարինում է իրավաբանական վարչության պետ Տարոն Մարգարյանը, որն այդ պաշտոնը զբաղեցնում էր 2021-ի սեպտեմբերից։ Մարգարյանին էլ փոխարինում է նրա տեղակալը՝ Արմինե Ստեփանյանը։ Ի դեպ, քաղաքապետի մամուլի քարտուղար Հայկ Կոստանյանը երեկ գրեց, որ սեփական դիմումի համաձայն դադարեցրել է աշխատանքը Երևանի քաղաքապետարանում։
Արփի Հակոբյան
