29.06.2026 | 20:18
Նախատեսված հանդիպում չի եղել, առաջիկայում համոզված եմ՝ կլինի․ Փաշինյանը՝ Պուտինի հետ հանդիպման մասին. ՏԵՍԱՆՅՈՒԹ
Ինչո՞ւ է նախագահ Սարգսյանը ձգձգում ԱԺ վիճահարույց օրենքի նախագծի վերաբերյալ հայտարարությունը
Քաղաքականություն
18.10.2018 | 18:30
Հոկտեմբերի 2-ին Ազգային ժողովում գիշերային քվեարկությամբ ընդունված «Ազգային ժողովի կանոնակարգ» սահմանադրական օրենքում փոփոխություններ և լրացումներ կատարելու մասին» ՀՀ օրենքի վերաբերյալ մոտ օրերս հայտարարություն կանեմ։
Այս մասին լրագրողների հետ զրույցում օրեր առաջ ասել էր նախագահ Սարգսյանը՝ շեշտելով․ «Այդ հարցի շուրջ կապված ես ելույթ եմ ունենալու: Ժամանակը կգա և այդ հարցին ես մոտ օրերս կպատասխանեմ»։
Հոկտեմբերի 2-ից 16 օր անց Factor.am-ը փորձեց պարզել՝ ինչով է պայմանավորված նախագահի լռությունն ու ինչո՞ւ է ձգձգվում այդ վիճահարույց օրենքի վերաբերյալ նախագահի արձագանքը։
Նախագահ Արմեն Սարգսյանի հանրային կապերի պատասխանատու Հասմիկ Պողոսյանը մեզ հետ զրույցում ասաց, որ նախագահ Սարգսյանն ըստ օրենքի, ունի 21 օր։
«Նախագահը մինչև ամսի 24-ն ունի ժամանակ, օրենքը չի խախտի և մինչև սահմանված ժամկետի ավարտը հայտարարություն կանի»,- ասաց Պողոսյանը։
