22.10.2026 | 14:07
Երևանում լուսավորվել է Հոկտեմբերյան հեղափոխության 50-ամյակին նվիրված հուշարձանը․ ՏԵՍԱՆՅՈՒԹ
Ռուսական դատարանը 2 ամսով կալանավորել է Ուրալի ադրբեջանական սփյուռքի ղեկավարի որդուն
Քաղաքականություն
16.07.2025 | 20:47
Եկատերինբուրգի Լենինսկի շրջանային դատարանը երկու ամսով կալանավորել է Ուրալի ադրբեջանական սփյուռքի ղեկավար Շահին Շիխլինսկիի որդուն`Մուտվալի Շիխլինսկիին, հայտնում են ադրբեջանական լրատվամիջոցները։
Շիխլինսկին մեղադրվում է իշխանության ներկայացուցչի նկատմամբ բռնություն գործադրելու մեջ (Ռուսաստանի Դաշնության Քրեական օրենսգրքի 318-րդ հոդվածի 1-ին մաս): Նա խոստովանել է իր մեղքը՝ ասելով, որ պատահաբար է հարվածել օպերատիվ աշխատակցին։
«Դա միտումնավոր չէր։ Ես նրան չեմ տեսել, նա իմ աջ կողմում էր, դա ավելի ուշ է հայտնի դարձել։ Ես խորապես ցավում եմ տեղի ունեցածի համար»,- ասել է նա։
Դատարանը մեղադրյալի նկատմամբ որպես խափանման միջոց ընտրել է կալանքը մինչև 2025 թվականի սեպտեմբերի 14-ը։ Դատարանի որոշումը դեռևս ուժի մեջ չի մտել և կարող է բողոքարկվել։
Ադրբեջանական սփյուռքի ղեկավարի որդուն սպառնում է մինչև 5 տարվա ազատազրկում:
Հիշեցնենք, որ Մուտվալի Շիխլինսկին Նախօրեին էր ձերբակալվել։Հուլիսի 1-ին հոր՝ Շահին Շիխլինսկիի ձերբակալության ժամանակ նա մեքենայով վրաերթի էր ենթարկել հատուկ նշանակության ուժերի աշխատակիցներից մեկին։
Թարգմանությունը՝ Էմմա Չոբանյանի
