«Ամուլսարի մեդիատուրի ժամանակ լուրջ հետապնդում եղավ իմ նկատմամբ»․ բնապահպանը մանրամասնում է․ ՏԵՍԱՆՅՈՒԹ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

ՄԱԿ-ի շրջակա միջավայրի պաշտպանների հարցերով հատուկ զեկուցող Միշել Ֆորստի հետ հանդիպման ընթացքում բնապահպան, էկոլոգ, փաստաբան Նազելի Վարդանյանը բարձրաձայնեց Հայաստանում բնապահպանների ու տեղական համայնքների նկատմամբ իրականացվող ճնշումների մասին: Նրա խոսքով՝ Հայաստանը վավերացնում է տարբեր միջազգային կոնվենցիաներ, սակայն, որպես կանոն, չի կատարում ստանձնած պարտավորությունները, իսկ կառավարություններին դրանք կատարել պարտադրող միջազգային գործուն մեխանիզմներ չկան:

«Որպես օրինակ՝ դիմում էր ներկայացվել Բեռնի կոնվենցիայի քարտուղարություն, որը որոշում էր կայացրել անհապաղ դադարեցնել Ամուլսարի հանքի գործունեությունը, քանի որ առկա չէր պատշաճ ՇՄԱԳ (շրջակա միջավայրի վրա ազդեցության գնահատման) փորձաքննական եզրակացություն, և տարածքը հանդիսանում էր «Էմերալդ» գոտի: Սակայն կառավարությունն անտեսել է միջազգային կառույցի որոշումն ու փորձագետների եզրակացությունները՝ իրականացնելով հանքի բացումը»,- նշեց նա:

Վարդանյանն ուշադրություն հրավիրեց այն հանգամանքին, որ հանքարդյունահանությունը չի կարող համատեղվել առողջարանային Ջերմուկ քաղաքի հետ, որտեղ առկա են հանքային ջրեր, և մարդիկ գալիս են բուժվելու:

«Ջերմուկցիների իրավունքները ոտնահարվում են շուրջ 20 տարի․ քաղաքում որևէ հանրային լսում չի իրականացվել: Բողոքի առաջին խոշոր ալիքը սկսվել է դեռևս 2012 թվականին, երբ Ջերմուկում հավաքվեց 2000 ստորագրություն: Ոստիկանությունը բազմաթիվ վարչական գործեր է հարուցել բողոքի ակցիաների մասնակիցների դեմ՝ իբր օրինական պահանջներին չենթարկվելու հիմքով: Ես դատարանում պաշտպանել եմ Ջերմուկի մոտ 15 բնակչի շահերը և շահել բոլոր գործերը, սակայն ոստիկանության հայցերն ինքնին մեծ ճնշում են եղել քաղաքացիների վրա: Բացի այդ, հարուցվել են նաև քրեական գործեր: Գնդևազի՝ հանքի հետ առնչություն ունեցող շուրջ 200 բնակիչներ ու աշխատակիցներ, զինված լինելով փայտերով ու երկաթներով, հարձակվել են Ամուլսարը պաշտպանող 4 ակտիվիստների վրա: Սակայն արդյունքում մեղադրյալի աթոռին հայտնվել են հենց այդ 4 ակտիվիստները, իսկ հարձակվող 200 անձինք հանդես են եկել որպես վկաներ»,- մանրամասներ ներկայացրեց փաստաբանը:

Վարդանյանի խոսքով՝ ակտիվիստների դեմ լայնորեն կիրառվում են նաև զրպարտության հիմքով քաղաքացիական հայցեր: Վարդանյանը նշեց, որ միայն իր դեմ առկա է 3 այդպիսի դատական գործ:

«Յուրահատուկ է եղել Թեմինե Ենոքյանի դեպքը․ նրա դիմացի հարևանը (հանքի նախկին աշխատակից) մշտապես տեսանկարահանել է նրա տուն այցելողներին և լուսանկարները տարածել ֆեյսբուքյան ֆեյք էջով՝ անձնական կյանքին վերաբերող գռեհիկ մեկնաբանություններով: Հետագայում պարզվել է, որ ֆեյք էջի հետևում կանգնած է եղել «Լիդիան» ընկերության անվտանգության նախկին աշխատակիցը․ դատարանով հաջողվել է գումար բռնագանձել ի օգուտ Ենոքյանի»:

Փաստաբանը ներկայացրեց նաև իր նկատմամբ իրականացված հետապնդման ցայտուն դեպք:

«Անցյալ տարի էկոլրագրության դասընթացի շրջանակում կազմակերպված մեդիատուրի ընթացքում, երբ լրագրողները նկարահանումներ են արել Ամուլսարի մոտ, նրանց են մոտեցել անվտանգության աշխատակիցները: Ճանապարհը շարունակելուց 60 կմ անց՝ գազալցակայանի մոտ, տաքսու վարորդին են մոտեցել «Փրկարար ծառայություն» գրությամբ համազգեստով անձինք և փորձել պարզել ուղևորների ով լինելն ու խոսակցության թեմաները: Եվս 100 կմ անցնելուց հետո Ջերմուկի ոստիկանությունից երկու անգամ զանգահարել են վարորդին՝ հատուկ ճշտելով՝ արդյո՞ք Նազելի Վարդանյանը մեքենայում է, թե՞ ոչ: Սա հստակ հետապնդում էր»։

Մանրամասները՝ տեսանյութում։

Ռոզա Վարդանյան