04.04.2026 | 20:03
ՃՏՊ՝ հրդեհի բռնկմամբ
Ադրբեջանը ձգտում է մերձենալ ԱՄՆ-ի հետ․ Մայք Ուոլց
Քաղաքականություն
16.07.2025 | 11:51
ՄԱԿ-ում ԱՄՆ մշտական ներկայացուցչի պաշտոնի թեկնածու Մայք Ուոլցը հայտարարել է Ադրբեջանի կողմից Աբրահամի համաձայնագրերին միանալու հնարավորության մասին: Նա այս մասին ասել է ԱՄՆ Սենատի արտաքին հարաբերությունների հանձնաժողովում լսումների ժամանակ, փոխանցում են ադրբեջանական լրատվամիջոցները։
«Ադրբեջանը ոչ միայն ձգտում է մերձենալ ԱՄՆ-ի հետ, այլև, հնարավոր է, համաձայնագրեր կնքի Հայաստանի և Իսրայելի հետ (միանալով Աբրահամի համաձայնագրերին )։ Դա լայն առևտրային հնարավորություններ կբացի ամերիկյան բիզնեսի համար և կարող է փոխել տարածաշրջանի աշխարհաքաղաքական լանդշաֆտը»,- ասել է նա։
Լսումների ժամանակ քննարկվել է Ուոլցի թեկնածությունը ՄԱԿ-ում ԱՄՆ մշտական ներկայացուցչի պաշտոնում: Նա նախկինում զբաղեցնում էր ԱՄՆ նախագահ Դոնալդ Թրամփի ազգային անվտանգության հարցերով խորհրդականի պաշտոնը, սակայն հեռացվել էր «Signal» մեսենջերի հետ կապված սկանդալից հետո։
Աբրահամի համաձայնագրերը Իսրայելի և մի շարք արաբական ու մահմեդական երկրների միջև հարաբերությունների կարգավորման վերաբերյալ համաձայնագրությունների շարք են, որոնք կնքվել են Միացյալ Նահանգների միջնորդությամբ:
Թարգմանությունը՝ Էմմա Չոբանյանի
