28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Բաքվի շինծու գործերով նիստում Բակո Սահակյանը խոսել է ապրիլյան մարտերի ժամանակ ռազմական գործողությունները ղեկավարած գեներալներից
Քաղաքականություն
20.06.2025 | 14:58
Արցախի ղեկավարների ու այլ պաշտոնյաների՝ ընդհանուր 15 անձի նկատմամբ հարուցված շինծու գործերով հերթական դատական նիստն է ընթանում Բաքվի զինվորական դատարանում, որը նախագահում է դատավոր Զեյնալ Աղաևը։
Ադրբեջանական լրատվամիջոցների հաղորդմամբ՝ այսօրվա նիստում հրապարակվել են «այն գեներալների անունները, որոնք 2016 թվականի ապրիլյան մարտերի ժամանակ Հայաստանի կողմից ղեկավարել են ռազմական գործողությունները»։
Արցախի նախկին նախագահ Բակո Սահակյանը պատասխանել է պետական մեղադրող Տարանա Մամեդովայի հարցերին։
Ըստ ադրբեջանական լրատվամիջոցների՝ իր ցուցմունքներում նա նշել է, որ «այդ ժամանակ հայկական կողմից գործողությունները ղեկավարել են ՀՀ պաշտպանության նախարար, գեներալ-գնդապետ Սեյրան Օհանյանը, ՀՀ զինված ուժերի գլխավոր շտաբի պետ, գեներալ-գնդապետ Յուրի Խաչատուրովը և Արցախի ՊԲ-ի բանակի հրամանատար, գեներալ-լեյտենանտ Լևոն Մնացականյանը»։
Երեկ էլ տեղի ունեցած նիստում Արցախի ՊԲ-ի հրամանատարի նախկին տեղակալ Դավիթ Մանուկյանը պատասխանել էր պետական մեղադրողների հարցերին, ցուցադրվել էր ՀՀ ՊՆ նախկին ղեկավար Դավիթ Տոնոյանի մասնակցությամբ տեսանյութ։
Հիշեցնենք, որ Արցախի նախկին պետնախարար Ռուբեն Վարդանյանի գործն առանձին է քննվում։ Նրա գործով հաջորդ նիստը նշանակված է հունիսի 24-ին։
Թարգմանությունը՝ Էմմա Չոբանյանի
