«Պիցցա Տաշիր» ՍՊԸ-ին պատկանող կաթնամթերքի արտադրության արտադրական գործունեությունը կասեցվել է. ՍԱՏՄ

ՍԱՏՄ-ն կասեցրել է «Պիցցա Տաշիր» ՍՊԸ-ին պատկանող կաթնամթերքի (Լոռու մարզ, քաղաք Տաշիր) արտադրության արտադրական գործունեությունը կասեցվել է, խախտումները վերացնելու համար սահմանվել է ժամկետ:

Ըստ գերատեսչության՝ ստուգման արդյունքում հայտնաբերված խախտումները անհամատեղելի են եղել սննդամթերքի արտադրության սանիտարահիգիենիկ պայմաններին օրենսդրությամբ ներկայացվող նորմերի հետ:

«Այսպես՝

•  արտադրական շինությունն ապահովված չի եղել կեղտի կուտակումներից սննդամթերքում մասնիկները թափվելու վտանգից, արտադրական շինությունների մակերևույթներին բորբոսի առաջացումից,
•  արտադրամասի և պահեստային հատվածի պատերի, հատակի մակերևույթները պատրաստված չեն եղել անջրանցիկ, լվացվող, ախտահանվող նյութերից,
•  առաստաղների մի մասի մակերևույթները վնասված են եղել, ինչը նպաստում է կեղտի կուտակմանը, բորբոսի առաջացմանը,
•  բացվող ներքին պատուհանը չի ունեցել միջատապաշտպան ցանց,
•  սննդամթերքի հետ անմիջական շփման մեջ գտնվող կաթի մշակման, պաստերիլիզացման և պահպանման սարքավորումները չեն ենթարկվել պատշաճ մաքրման ու ախտահանման,
•  սննդամթերքի հետ շփման մեջ գտնվող տեխնոլոգիական գույքը, մասնավորապես՝ պանրի մշակման սեղանի մակերևույթը, պատրաստված չի եղել չներծծող նյութից»,- ասված է հաղորդագրությունում։

Ավելի վաղ ՍԱՏՄ-ն կասեցրել էր նաև «Պիցցա Տաշիր»-ի մի քանի մասնաճյուղի արտադրական գործունեությունը: Factor.am-ը ՀՀ սննդի անվտանգության տեսչական մարմնից հետաքրքրվել էր, թե ինչով են պայմանավորված գործարար Սամվել Կարապետյանին պատկանող ընկերությունում ստուգումները։ Տեսչական մարմնից փոխանցել էին, որ ստուգումները սկսվել են դեռևս երկու շաբաթ առաջ հենց «Պիցցա Տաշիր» ՍՊԸ-ի դիմումի հիման վրա։

Հանրային ծառայությունները կարգավորող հանձնաժողովը 10 միլիոն դրամ գումարի չափով տուգանել է «Հայաստանի էլեկտրական ցանցեր» ընկերությանը՝ արձանագրված տեխնիկական և առևտրային խախտումների համար։

Հիշեցնենք, որ Սամվել Կարապետյանին մեղադրանք է ներկայացվել իշխանությունը զավթելու հրապարակային կոչի հոդվածով։ Քննիչը միջնորդել է կալանավորել Կարապետյանին: