06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
ՀԾԿՀ-ում քննարկվել է «Firebird AI» տվյալների կենտրոնի էլեկտրամատակարարումը
Տնտեսություն
06.10.2026 | 14:52
ՀԾԿՀ-ում «Firebird AI» տվյալների կենտրոնի և «Էլեկտրաէներգետիկական համակարգի օպերատոր» ընկերության ներկայացուցիչները քննարկել են կենտրոնի՝ էլեկտրաէներգետիկ համակարգին միացման, անհրաժեշտ հզորությունների ապահովման և համակարգի վրա հնարավոր ազդեցության հարցերը։
ՀԾԿՀ-ի հաղորդագրությունը՝ ստորև․
«Սույն թվականի հոկտեմբերի 6-ին ՀՀ հանրային ծառայությունները կարգավորող հանձնաժողովի նախագահ Մեսրոպ Մեսրոպյանի գլխավորությամբ տեղի է ունեցել աշխատանքային քննարկում «Firebird AI» արհեստական բանականության տվյալների կենտրոնի և «Էլեկտրաէներգետիկական համակարգի օպերատոր» ՓԲԸ-ի ներկայացուցիչների մասնակցությամբ։
Քննարկվել են արհեստական բանականության տվյալների կենտրոնի էլեկտրաէներգետիկ համակարգին միացման, անհրաժեշտ հզորությունների ապահովման և համակարգի վրա դրանց հնարավոր ազդեցությանն առնչվող հարցեր։
Հանդիպման ընթացքում մասնակիցները ներկայացրել են իրենց դիտարկումներն ու առաջարկությունները, նախանշվել են հետագա քննարկումների և համագործակցության ուղղությունները»։
Հիշեցնենք՝ ՀՀ վարչապետ Նիկոլ Փաշինյանը հունիսին հայտարարել էր, որ եթե մեկ–մեկուկես տարի առաջ Հայաստանը էլեկտրաէներգիայի էական ավելցուկ ուներ, ապա այժմ այդ ավելցուկն այլևս չկա, քանի որ արհեստական բանականության կենտրոնների զարգացումը կտրուկ մեծացնում է պահանջարկը։ Օգոստոսին նա նաև հայտնել էր, որ Հայաստանում արդեն երեք սուպերհամակարգչային/ԱԲ կենտրոն է բացվել և առաջիկա ներդրումները էներգիայի պահանջարկը մեծացնելու են «ահռելի տեմպերով»։
