05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Բայրամովը դարձյալ խոսել է ՀՀ Սահմանադրությունից՝ որպես խաղաղության պայմանագրի կնքման «խոչընդոտ»
Քաղաքականություն
17.06.2025 | 16:41
Ադրբեջանի արտաքին գործերի նախարար Ջեյհուն Բայրամովը Բաքվում ընդունել է Հյուսիսային Մակեդոնիայի Ասամբլեայի նախագահ Աֆրիմ Գաշիի գլխավորած պատվիրակությանը։
Ադրբեջանի ԱԳՆ հաղորդմամբ՝ հանդիպմանը քննարկվել են երկկողմ և բազմակողմ օրակարգի հարցեր, միջխորհրդարանական հարաբերությունները, ինչպես նաև՝ տարածաշրջանային հարցեր։
Բայրամովը ներկայացրել է նաև Հայաստանի հետ հարաբերությունների կարգավորման գործընթացը։ Նշվում է, թե Բայրամովը «մանրամասն տեղեկացրել է մյուս կողմին հետհակամարտային շրջանում տարածաշրջանում ստեղծված իրավիճակի և իրողությունների, Ադրբեջան-Հայաստան հարաբերությունների կարգավորման գործընթացի առաջընթացի և այդ գործընթացին խոչընդոտող գործոնների մասին»։
«Կողմերի միջև վերջնական խաղաղության համաձայնագիր կնքելու համար ընդգծվել է Հայաստանի Սահմանադրությունում Ադրբեջանի նկատմամբ առկա տարածքային պահանջների վերացման և արդեն իսկ իրենց արդիականությունը կորցրած Մինսկի խմբի նման ինստիտուտների վերացման կարևորությունը»,-ասվում է հայտարարության մեջ։
Թարգմանությունը՝ Էմմա Չոբանյանի
