03.07.2026 | 11:00
Ազգային ժողովի արտահերթ նստաշրջանը՝ ՈՒՂԻՂ
Հայաստանի հողի վրա ամեն ինչ մեզ պարտադրում է հիշել Հայոց ցեղասպանությունը․ Հայաստանն այսօր կենդանի է և հարուստ․ Միկայել Ժան․ ՏԵՍԱՆՅՈՒԹ
Քաղաքականություն
11.10.2018 | 14:34
«Ամեն ինչ Հայաստանի հողի վրա մեզ պարտադրում է հիշել Հայոց ցեղասպանությունը, և ես այս պահին մտածում եմ այն բոլոր նահատակների՝ կանանց և երեխաների մասին և նաև նրանց մասին, որոնց հաջողվեց կենդանի մնալ այդ ամենից։ Հայաստանն այսօր կենդանի է, կենդանի է և հարուստ՝ իր սփյուռքով։ Այսօր աշխարհը, պարոն վարչապետ, Ձեր հրավերով գտնվում Հայաստանում և մեզ համար մեծ երջանկություն է հյուրընկալվել այսպիսի երկրում։ Ես կցանկանայի իմ և Ֆրանկոֆոնիայի մասնակից պետությունների անունից շնորհակալություն հայտնել Ձեզ պարոն վարչապետ»,- այս խոսքերով Ֆրանկոֆոնիայի միջազգային կազմակերպության քարտուղար Միկայել Ժանը սկսեց իր ելույթը Կարեն Դեմիրճյանի անվան մարզահամերգային համալիրում ընթացող գագաթնաժողովին։
Անդրադառնալով գագաթնաժողովի նպատակներին՝ ՖՄԿ քարտուղարը նշեց, որ Ֆրանկոֆոն երկրների ուժը պետությունների միջև ընթացող ցանցային աշխատանքների մեջ է, որոնց շնորհիվ կարողացել են պայքարել արհավիրքների դեմ և ծնել նոր արժեքներ։
Վերջինս նշեց, որ կցանկանար, որ այսօրվա գագաթնաժողովի մասնակիցները հարց տան իրենց՝ արդյոք կցանկանայի՞ն, որ միջազգային կազմակերպությունները լինեն գործիքներ ոմանց ձեռքում, թե՞ կցանկանային, որ այդ կազմակերպությունները գտնեն լուծումներ աշխարհի առաջ ծառացած խնդիրների դեմ և բարձրաձայն ասել՝ ավելի շատ ժողովրդավարություն և ավելի շատ ազատություն։
