29.04.2026 | 18:39
Ադրբեջանցի դիվանագետը ազատազրկման է դատապարտվել 70 կիլոգրամ ոսկու մաքսանենգության համար
Բաքվի բանտերից մեկի տանիքը փլուզվել է․ կալանավոր է զոհվել
Քաղաքականություն
02.06.2025 | 15:09
Բաքվի թիվ 12 քրեակատարողական հիմնարկի շենքի տանիքը փլուզվել է, որի հետևանքով կալանավոր է զոհվել։ Այս մասին տեղական լրատվամիջոցներին հայտնել են Ադրբեջանի Արդարադատության նախարարությունից։
Հաղորդվում է, որ հունիսի 1-ին ժամը 13:10-ին փլուզվել է թիվ 12 քրեակատարողական հիմնարկի՝ դատապարտյալների համար նախատեսված բնակելի շենքի տանիքը։ Արդյունքում դատապարտյալներից Մովլամ Մուստաֆաևը, որը դատապարտվել էր ազատազրկման Ադրբեջանի քրեական օրենսգրքի 120.1 հոդվածով (կանխամտածված սպանություն), ստացած վնասվածքներից այսօր մահացել է։
Միջադեպի հետևանքով մյուս կալանավորների կամ հաստատության աշխատակիցների շրջանում տուժածներ չկան։
Բաքվի Գարադաղի շրջանի դատախազությունը հետաքննություն է անցկացնում միջադեպի վերաբերյալ։
Թարգմանությունը՝ Էմմա Չոբանյանի
