18.02.2026 | 19:21
«Լիդիան Արմենիա»-ն դատի է տվել Ամուլսարի գործով փաստաբան Նազելի Վարդանյանին
Էրդողանը հայտարարել է, թե «Ալիևը պատմության մեջ կմտնի որպես առաջնորդ, որը խաղաղության կբերի տարածաշրջան»
Քաղաքականություն
21.05.2025 | 15:43
Մենք ուշադիր հետևում ենք Կովկասում տեղի ունեցող զարգացումներին, որը ռազմավարական նշանակություն ունի թյուրքական աշխարհի համար։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Հունգարիայում ընթացող Թյուրքական պետությունների կազմակերպության անդամ երկրների ղելավարների ոչ պաշտոնական գագաթնաժողովում ունեցած ելույթում, հաղորդում է TRT Haber-ը։
«Մենք ուրախ ենք, որ Ադրբեջանը համաձայնության է եկել Հայաստանի հետ խաղաղության համաձայնագրի շուրջ։ Եթե երկու երկրների միջև հնարավոր լինի հաստատել մշտական խաղաղություն, դա, անկասկած, բազմաթիվ հնարավորություններ կբացի թյուրքական աշխարհի համար։ Այս պահին ես վստահ եմ, որ իմ սիրելի եղբայրը՝ հաղթանակած նախագահ Ալիևը, պատմության մեջ կմտնի որպես առաջնորդ, որը խաղաղություն կբերի տարածաշրջան»,- հայտարարել է Էրդողանը։
Հիշեցնենք, որ նախորդ շաբաթ Տիրիանայում Եվրոպական քաղաքական համայնքի գագաթնաժողովի շրջանակում ՀՀ վարչապետ Նիկոլ Փաշինյանը կարճ զրույց է ունեցել Էրդողանի հետ։
Թարգմանությունը՝ Էմմա Չոբանյանի
