05.02.2026 | 18:30
Ռուսամետ հաքերները Օլիմպիական խաղերի բացումից առաջ հարձակվել են օլիմպիական օբյեկտների և Իտալիայի դեսպանատների կայքերի վրա
Սպասում ենք ՀՀ-ի և Ադրբեջանի միջև խաղաղության համաձայնագրի ստորագրմանը, տրանսպորտային ու առևտրային միջանցքների բացմանը․ Ֆիդան
Քաղաքականություն
18.04.2025 | 20:28
Թուրքիայի արտաքին գործերի նախարար Հաքան Ֆիդանը երկրի իշխող «Արդարություն և զարգացում» կուսակցության կենտրոնական գրասենյակում հանդիպել է Արևելյան, Հարավարևելյան և Սև ծովի տարածաշրջանների պատգամավորների հետ։ Հանդիպման ընթացքում նա անդրադարձել է Կովկասում և Արևելյան Եվրոպայում դիվանագիտությանը։ Ֆիդանը լավատեսություն է հայտնել Ադրբեջանի և Հայաստանի միջև խաղաղության հասնելու ջանքերի վերաբերյալ։
«Մենք սպասում ենք առկա խնդիրների լուծմանը, խաղաղության համաձայնագրի ստորագրմանը և տրանսպորտային ու առևտրային միջանցքների բացմանը»,- ասել է Թուրքիայի ԱԳ նախարարը։
Հիշեցնենք, որ օրերս Անթալիայի դիվանագիտական ֆորումի շրջանակում հանդիպել ու բանակցություններ էին անցկացրել ՀՀ ԱԳ նախարար Արարատ Միրզոյանն ու Թուրքիայի ԱԳ նախարար Հաքան Ֆիդանը։
Թարգմանությունը՝ Էմմա Չոբանյանի
