06.11.2026 | 13:38
Ռուսական զորքերը հարձակվել են Ուկրաինայի էներգետիկ ենթակառուցվածքային օբյեկտների վրա
Մեսին գոլ ու 2 ասիստ է գրանցել Արգենտինայի հավաքականում հրաժեշտի խաղում. ՏԵՍԱՆՅՈՒԹ
07.10.2026 | 10:55
MLS-ի չեմպիոն ամերիկյան «Ինտեր Մայամիի» հարձակվող Լիոնել Մեսին հրաժեշտի հանդիպումն է անցկացրել Արգենտինայի ազգային հավաքականի կազմում:
Բուենոս Այրեսի «Մոնումենտալ» ստադիոնում արգենտինացիները լեփ-լեցուն տրիբունաների ներքո ընկերական խաղ են անցկացրել Բենինի հավաքականի հետ ու հաղթել են 3:0 հաշվով: «Ոսկե գնդակի» 8-ակի դափնեկիրը դարձել է գոլի ու երկու գոլային փոխանցման հեղինակ:
Հանդիպման բոլոր գոլերը գրանցվել են երկրորդ խաղակեսում: Նախ 39-ամյա Մեսին գոլային փոխանցումներ է կատարել Նիկոլաս Օտամենդիին ու Նիկո Պասին, իսկ 71-րդ րոպեին 11-մետրանոց հարվածով վերջակետ է դրել խաղին:
10-րդ րոպեին հանդիպումը դադարեցվել է հրավառության համար, և ամբողջ ստադիոնը հոտնկայս ծափահարել է Արգենտինայի հավաքականի ավագի պատվին ու վանկարկել է նրա անունը:
Լիոնել Մեսին 2005 թվականից էր խաղում Արգենտինայի հավաքականում, որի կազմում անցկացրել է 208 հանդիպում, դարձել 126 գոլի ու 70 գոլային փոխանցման հեղինակ։ Ազգային թիմի հետ լեգենդար հարձակվողը դարձել է աշխարհի չեմպիոն (2022), Ամերիկայի կրկնակի գավաթակիր (2021, 2024) ու Ֆինալիսիմայի հաղթող (2022)։
Դավիթ Եղիազարյան
