03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Փաշինյանի ՌԴ այցը դեռ չի քննարկվում, Պուտինի հետ հանդիպում Թուրքմենստանում չի նախատեսվում․ Ուշակով
Քաղաքականություն
07.10.2026 | 10:36
Հայաստանի վարչապետ Նիկոլ Փաշինյանի այցը Մոսկվա ՌԴ նախագահ Վլադիմիր Պուտինի հետ հանդիպման նպատակով դիվանագիտական շփումների շրջանակում առայժմ չի քննարկվում։ Թուրքմենստանում երկու երկրների առաջնորդների երկկողմ հանդիպում նույնպես նախատեսված չէ: Այս մասին հայտնել է ՌԴ նախագահի օգնական Յուրի Ուշակովը։
«Հայտնի է, որ Փաշինյանը պլանավորում է մեկնել Մոսկվա կամ որևէ այլ քաղաք՝ մեր նախագահի հետ հանդիպելու համար, սակայն կոնկրետ պայմանավորվածություններ դեռևս ձեռք չեն բերվել։ Եվ, անկեղծ ասած, այս հարցի շուրջ դեռևս որևէ դիվանագիտական շփում չի եղել»,- լրագրողներին ասել է Ուշակովը՝ պատասխանելով Մոսկվա Փաշինյանի այցի հեռանկարի մասին «Ինտերֆաքս»-ի հարցին։
ՌԴ նախագահի օգնականը հայտնել է, որ Թուրքմենստանում նախատեսված միջոցառումների շրջանակներում նույնպես հանդիպում չի նախատեսվում։
«Չնայած միջոցառումների ընթացքում շփման հնարավորությունը բացառել չի կարելի»,- հավելել է Ուշակովը։
Նշենք, որ Թուրքմենստանում հոկտեմբերի 9-ին տեղի կունենա ԱՊՀ պետությունների ղեկավարների խորհրդի նիստը, ինչպես նաև Կասպյան բնապահպանական գագաթնաժողովը:
Թարգմանությունը՝ Էմմա Չոբանյանի
