02.08.2026 | 14:46
Նիկոլ Փաշինյանը 4-րդ անգամ ՀՀ վարչապետ նշանակվեց
Մեր թիմը` ավագանու 14 անդամներս, պատրաստ ենք ստանձնել քաղաքի համար պատասխանատվություն. Սարիկ Մինասյան
Քաղաքականություն
14.04.2025 | 21:52
Գյումրիի համայնքապետի ՔՊ թեկնածու Սարիկ Մինասյանը ֆեյսբուքյան իր էջում գրառում է կատարել՝ անդրադառռնալով Գյումրու ավագանու մանդատը վերցնելուն։
«Հարգելի՛ գյումրեցիներ, սիրելի՛ համաքաղաքացիներ, ինչպես և խոստացել էի՝ ես տեր եմ ձեր քվեին:
Ամենայն պատասխանատվությամբ և մեծ սիրով եմ վերցրել Գյումրու ավագանու պատվաբեր մանդատը: Ցանկացած պաշտոն ստորադաս է 17 հազար և ավել գյումրեցու վստահության ձայնի համեմատությամբ: Ցանկացած պաշտոնում երբեք չեմ վախեցել խնդիրներից, խոչընդոտներից ու մարտահրավերներից:
Իմ սկզբունքը մեկն է՝ գործել արդար և վստահ, ինքնուրույն կայացնել որոշումներ՝ հանուն Գյումրու և գյումրեցու, հանուն Հայաստանի Հանրապետության: Պարզճակատ նայելով յուրաքանչյուրիդ աչքերի մեջ՝ հայտարարում եմ՝ չեմ փախչում ոչնչից, Գյումրին իմ տունն է իրականում, ես երբեք չեմ դադարել և չեմ դադարելու ծառայել գյումրեցուն՝ անկախ իմ զբաղեցրած դիրքից ու պաշտոնից:
Մեր թիմը` ավագանու 14 անդամներս, պատրաստ ենք ստանձնել քաղաքի համար պատասխանատվություն: Պատասխանատու ենք մեր յուրաքանչյուր խոսքի և քայլի համար:
Ի գո՛րծ, իմ սիրելի գյումրեցիներ»,- գրել է նա։
Հիշեցնենք՝ Գյումրիի ավագանու ընտրություններին մասնակցած և անցողիկ շեմը հաղթահարած քաղաքական ուժերի ներկայացուցիչներն այսօր թիվ 31 ընտրատարածքային ընտրական հանձնաժողովից ստացել են ավագանու անդամի մանդատները։
