08.10.2026 | 19:00
ՀՕՖ-ի բարեգործական ճաշարանը չի փակվում․ բայց շահառուները մտահոգված են. ՏԵՍԱՆՅՈՒԹ
Այս պահին բանակցային կարգավորման հեռանկար չի երևում․ Ռուբիոն՝ ռուս-ուկրաինական պատերազմի մասին
Քաղաքականություն
08.10.2026 | 18:28
Ռուս-ուկրաինական հակամարտության խաղաղ կարգավորման հեռանկարներ ներկայում չկան։ Այս մասին ԱՄՆ պետքարտուղար Մարկո Ռուբիոն հայտարարել է հունական Katimerirni պարբերականին տված հարցազրույցում, փոխանցում է Meduza-ն։
Ռուբիոյի խոսքով՝ ներկայում պատերազմի ընթացքում ստեղծվել է «ռազմավարական փակուղու» իրավիճակ։ Ռուսաստանը շարունակում է պնդել Դոնբասի նկատմամբ ամբողջական վերահսկողություն հաստատելու պահանջը, մինչդեռ Ուկրաինայի համար նման պայմանը բացարձակապես անընդունելի է։
«Ռազմավարական փակուղին կարող է հանգուցալուծվել միայն երկու եղանակով՝ կա՛մ բանակցությունների սեղանի շուրջ կարգավորման միջոցով, կա՛մ էսկալացիայի արդյունքում՝ մեկ կամ երկու կողմերի մասնակցությամբ, որը դուրս կգա սկզբնական հակամարտության շրջանակներից։ Այս պահին բանակցային կարգավորման հեռանկար չի երևում»,- ասել է նա։
Ռուսաստանի և Ուկրաինայի միջև ԱՄՆ-ի միջնորդությամբ ուղիղ բանակցություններն անցկացվել են 2026 թվականի սկզբին։ Դրանք ընդհատվել են ԱՄՆ-ի և Իսրայելի՝ Իրանի դեմ պատերազմի սկսվելու պատճառով, որից հետո այլևս չեն վերսկսվել։ Ե՛վ Ուկրաինան, և՛ Ռուսաստանը պաշտոնապես հայտարարել են, որ պատրաստ են բանակցությունների նոր փուլերի։
Թարգմանությունը՝ Էմմա Չոբանյանի
