19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Բրիտանիան ՀՀ-ին և Ադրբեջանին կոչ է անում հնարավորինս շուտ ստորագրել խաղաղության համաձայնագիրը
Քաղաքականություն
27.03.2025 | 19:53
Միացյալ Թագավորությունը ջերմորեն շնորհավորում է Հայաստանին և Ադրբեջանին խաղաղ համաձայնագրի շուրջ բանակցությունների ավարտի կապակցությամբ։ Այս մասին ԵԱՀԿ-ում ունեցած ելույթում հայտարարել է կառույցում Բրիտանիայի փոխդեսպան Դեյդր Բրաունը։
«Սա պատմական պահ է, և մենք երկու կողմերին կոչ ենք անում ստորագրել համաձայնագիրը որքան հնարավոր է՝ շուտ։ Այս խաղաղության պայմանագրի ավարտը լավագույն ճանապարհն է կայուն խաղաղության հասնելու և ամբողջ Հարավային Կովկասում անվտանգություն ու կայունություն ապահովելու համար: Սա ճանապարհ կբացի առևտրի աճի և բարգավաճման համար ոչ միայն Հայաստանի և Ադրբեջանի, այլև նրանց հարևանների համար։ Մենք կոչ ենք անում երկու կողմերին զերծ մնալ խաղաղության հեռանկարները խաթարող հռետորաբանությունից։ Հակամարտության վերադարձը ողբերգություն կլինի և տարիներով հետ կտանի տարածաշրջանում խաղաղության հասնելու առաջընթացը»,- ասել է դիվանագետը։
Նա նշել է, որ Միացյալ Թագավորությունը միջազգային գործընկերների կողքին շարունակում է աջակցել Հարավային Կովկասում տևական և կայուն խաղաղություն ապահովելու բոլոր ջանքերին։
Թարգմանությունը՝ Էմմա Չոբանյանի
