05.11.2026 | 15:37
Ռոբերտ Քոչարյանի գործով դատական նիստը՝ ՈՒՂԻՂ
Մինչև 2027 թվականը խաղաղության համաձայնագրի ստորագրման մասին խոսելը լուրջ չէ․ Արիֆ Յունուս. ՏԵՍԱՆՅՈՒԹ
Քաղաքականություն
25.03.2025 | 21:00
Մինչև 2027 թվականի սկիզբը խոսել Հայաստանի և Ադրբեջանի միջև խաղաղության համաձայնագրի ստորագրման մասին լուրջ չէ, կարծում է հակամարտությունների հարցերով փորձագետ, Խաղաղության և ժողովրդավարության ինստիտուտ կոնֆլիկտաբանության բաժնի ղեկավար, Ադրբեջանից քաղաքական էմիգրանտ Արիֆ Յունուսը։
Factor TV-ի հետ զրույցում նա նշում է, որ օգտվելով միջազգային կոնյուկտուրայից՝ Ադրբեջանը փորձում է օգտագործել Հայաստանի նկատմամբ իր ուժային առավելությունը և կարծում է, որ քանի որ Հայաստանը թույլ է, պետք է ինչ-որ բան ևս պոկել։
Ադրբեջանցի փորձագետը մեծ պատերազմի հավանականությունը բացառում է՝ ավելի հավանական համարելով 2022 թվականի սեպտեմբերի նման սրացումը։ Նրա հավաստմամբ՝ ադրբեջանական հասարակությունում մեծ պատերազմի պահանջ չկա՝ հավելելով, որ 2020 թվականի պատերազմը ծանր էր նաև ադրբեջանական կողմի համար։
Արիֆ Յունուսը կարծում է, որ Ադրբեջանի պահվածքն ու դրա փոփոխությունը կախված են երկու մեծ խաղացողներից՝ Ռուսաստանից և ԱՄՆ-ից։
Հարցազրույցն ամբողջությամբ՝ տեսանյութում։
Սամվել Մելիքսեթյան
