06.04.2026 | 10:31
Պահանջները խախտած կառուցապատողները պետք է տուգանվեն, սա կոնկրետ հանձնարարական է․ Ավինյան․ ՏԵՍԱՆՅՈՒԹ
Ստամբուլի քաղաքապետի ձերբակալությունից հետո Թուրքիայի արդարադատության նախարարը զգուշացրել է՝ զերծ մնալ փողոցային բողոքի ակցիաներից
Քաղաքականություն
19.03.2025 | 20:38
Թուրքիայի արդարադատության նախարար Յըլմազ Թունջը Ստամբուլի քաղաքապետ Էքրեմ Իմամօղլուի ձերբակալությունից հետո նախազգուշացրել է փողոցային բողոքի ցույցերի հետ կապված՝ ընդգծելով, որ արդարության որոնումը չպետք է տեղի ունենա փողոցում և կոչ անելով հանրությանը հարգել իրավական գործընթացը, գրում է Bianet-ը։
«Մի հետաքննությունը կապված է ահաբեկչական հանցագործությունների, մյուսը՝ կազմակերպված հանցագործության հետ։ Դատական համակարգը որևէ մեկից հրամաններ կամ հրահանգներ չի ընդունում։ Դատարանի որոշումը պարտադիր է բոլորի համար։ Օրենքի առջև ոչ մի արտոնություն չկա»,- ասել է նա՝ նշելով, որ խնդրո առարկա հետաքննություններում կան վկաների ցուցմունքներ և ապացույցներ։
Նա ասել է, որ փողոցային կոչերն ու այնպիսի արտահայտությունները, ինչպիսին է հեղաշրջումը, անընդունելի են։
«Փողոցում արդարություն փնտրելն անընդունելի է։ Անպատշաճ և անհարգալից է դատական համակարգի նախաձեռնած հետաքննությունները կապել մեր հարգարժան նախագահի հետ։ Դատական իշխանությունը ոչ մեկից հրաման չի վերցնում»,-հայտարարել է Թուրքիայի արդարադատության նախարարը։
Հավելենք, որ ընդդիմադիր քաղաքապետ Էքրեմ Իմամօղլուի ձերբակալության հետ կապված Ստամբուլում, ինչպես նաև Թուրքիայի մի շարք քաղաքներում մարդիկ դուրս են եկել բողոքի ցույցերի։
Թարգմանությունը՝ Էմմա Չոբանյանի
