17.07.2026 | 19:42
Հայաստանն ու ԱՄԷ-ն քննարկել են թարմ բանջարեղենի, ծաղիկների ու հանքային ջրի արտահանման հնարավորությունը
«Էրդողան, բռնապե՛տ»․ Ստամբուլում մարդիկ հավաքում են ակցիաների՝ ի նշան ընդդիմադիր քաղաքապետի ձերբակալության դեմ բողոքի. ՏԵՍԱՆՅՈՒԹ
Քաղաքականություն
19.03.2025 | 16:29
Ստամբուլի ընդդիմադիր քաղաքապետ Էքրեմ Իմամօղլուի ձերբակալությունից հետո քաղաքի տարբեր հատվածներում մարդիկ հավաքում են՝ իրենց աջակցությունը հայտնելու քաղաքական գործչին։ Թուրքական լրատվամիջոցները գրում են, որ Ստամբուլի ոստիկանական բաժանմունքում՝ Վաթան փողոցում և շրջակայքում, արտակարգ միջոցներ են ձեռնարկվել։ Դեպի այս փողոց տանող բազմաթիվ ճանապարհներին ոստիկանական պատնեշներ են տեղադրվել։
Չնայած դրան՝ ոստիկանական բաժանմունքի դիմաց բազմաթիվ քաղաքացիներ են հավաքվել, այդ թվում՝ Ստամբուլի քաղաքապետարանի աշխատակիցները։ Նրանք «Էրդողան, բռնապե՛տ», «Կառավարությո՛ւն, հրաժարական տուր» կոչեր են հնչեցնում։
Ստամբուլի համալսարանի ուսանողներն էլ հավաքվել են համալսարանական սրճարանի դիմաց՝ բողոքելու Իմամօղլուի դիպլոմը չեղարկելու որոշման և ձերբակալությունների դեմ։ Ակցիային մասնակցել են նաև Բողազիչի համալսարանի, Յըլդըզի տեխնիկական և Ստամբուլի տեխնիկական համալսարանի ուսանողները։ Երթով ընթացող ուսանողներին ոստիկանները կանգնեցրել են։
Ուսանողները վանկարկել են՝ «Օրը կգա, իրավիճակը կփոխվի, ԱԶԿ-ն պատասխանատվության համար կկանգնի ժողովրդի առաջ»։
Պատնեշի հետևում գտնվող ուսանողներին ոստիկանները թույլ չեն տվել մտնել բողոքի ակցիայի տարածք։ Ավելի ուշ ուսանողներին հաջողվել է ճեղքել ոստիկանական պատնեշը, ոստիկանները մահակներ են կիրառել նրանց նկատմամբ։
Թարգմանությունը՝ Էմմա Չոբանյանի
