Քաղաքականություն
19.03.2025 | 15:27
Թուրքական լիրան ռեկորդային անկում է գրանցել հիմնական արժույթների նկատմամբ՝ Ստամբուլի ընդդիմադիր քաղաքապետ Էքրեմ Իմամօղլուի ձերբակալությունից հետո երկրում ստեղծված քաղաքական լարվածության ֆոնին։ Լիրայի անկումը ԱՄՆ դոլարի, եվրոյի, բրիտանական ֆունտի և ոսկու նկատմամբ գերազանցել է 5%-ը, գրում է Birgun-ը։
Ազատ շուկաներում դոլարն օրը սկսել է 36,7510 լիրայով, եվրոն՝ 40,2140 լիրայով։ Դոլարի և եվրոյի արագ աճը ռեկորդներ է գրանցել։ Դոլարը լիրայի նկատմամբ ռեկորդ է սահմանել՝ հասնելով 41,53-ի, իսկ եվրոն՝ 45,20-ի:
Բացի այդ, Ստամբուլի ֆոնդային բորսան բացման ժամանակ 7%-ով անկում է գրանցել։
Հիշեցնենք, որ Թուրքիայի ընդդիմադիր Ժողովրդահանրապետական կուսակցության անդամ, Ստամբուլի քաղաքապետ Էքրեմ Իմամօղլուն ու ևս 99 հոգի ձերբակալվել են այսօր առավոտյան Ստամբուլի Գլխավոր դատախազության կողմից իրականացվող հետաքննության շրջանակում։
Թարգմանությունը՝ Էմմա Չոբանյանի
