30.04.2026 | 12:22
Խուլիան Ալվարեսը գերազանցել է Մեսիի ցուցանիշը Չեմպիոնների լիգայում
Ալիևի օգնականն Անկարայում է․ նա հանդիպել է Թուրքիայի ԱԳ նախարարին և այլ պաշտոնյաների
Քաղաքականություն
26.02.2025 | 13:38
Ադրբեջանի նախագահ Իլհամ Ալիևի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևն Անկարայում է։ Ադրբեջանական լրատվամիջոցների հաղորդմամբ՝ Հաջիևին ընդունել է Թուրքիայի ԱԳ նախարար Հաքան Ֆիդանը։ Հանդիումից մանրամասներ չեն հաղորդվում։
Հաջիևը հանդիպել է նաև Թուրքիայի նախագահի աշխատակազմի հաղորդակցության բաժնի ղեկավար Ֆահրեթթին Ալթունին։ Ադրբեջանի դեսպանատան փոխանցմամբ՝ հանդիպման ընթացքում մտքերի փոխանակում է տեղի ունեցել ԶԼՄ-ների և հաղորդակցության ոլորտում երկկողմ համագործակցության, գլոբալ և տարածաշրջանային օրակարգի շուրջ։
Բացի այդ, Ալիևի օգնականը բանակցություններ է անցկացրել Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչի հետ։ Հանդիպմանն ուշադրություն է դարձվել Ադրբեջանի և Թուրքիայի ռազմավարական դաշնակցային հարաբերություններին, քննարկվել են երկկողմ և միջազգային կազմակերպությունների շրջանակում համագործակցության զարգացման հարցեր։
Թարգմանությունը՝ Էմմա Չոբանյանի
