24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Էրդողանը վերընտրվել է Թուրքիայի իշխող ԱԶԿ-ի նախագահի պաշտոնում․ հայտնի ֆուտբոլիստ Մեսութ Օզիլը միացել է քաղաքական ուժին
Քաղաքականություն
24.02.2025 | 14:40
Թուրքիայի նախագահ Ռեջեփ Թայիփ Էրդողանը Անկարայում կայացած իշխող «Արդարություն և զարգացում» կուսակցության ութերորդ համագումարում վերընտրվել է կուսակցության նախագահ։ Bianet-ի հաղորդմամբ՝ Էրդողանը հավաքել է 1547 ձայն։
75 հոգուց բաղկացած վարչությունում ընդգրկվել է 39 նոր անուն, իսկ 36-ը դուրս են մնացել ցուցակից՝ 52 տոկոսով փոփոխություն կատարելով որոշում կայացնող կուսակցության բարձրագույն մարմնում։ Նոր ղեկավարությունը, որը նախատեսում է կուսակցությանը նախապատրաստել 2028 թվականի ընտրություններին, ներառում է յոթ օրենսդիրների, որոնք լքել են ընդդիմադիր İYİ (Լավ) և Gelecek (Ապագա) կուսակցություններն ու միացել ԱԶԿ-ին։
Կուսակցության նոր ղեկավարության կազմում կան նաև սպորտային աշխարհի գործիչներ։ Թուրքական լրատվամիջոցները հատուկ ուշադրություն են դարձրել այն հանգամանքին, որ Կենտրոնական գործադիր խորհրդի (MKYK) հաստատված ցուցակում ընդգրկվել է Գերմանիայի ազգային հավաքականի և իսպանական «Մադրիդի Ռեալի» նախկին ֆուտբոլիստ, ազգությամբ թուրք Մեսութ Օզիլը։
Հավելենք, որ Օզիլը հայտնի է Էրդողանի հետ սերտ կապերով և հաճախ է այդ պատճառով քննադատությունների ենթարկվում (Էրդողանը 2019 թվականին, որպես պատվավոր հյուր, մասնակցել է Օզիլի հարսանիքին)։ Օզիլն այժմ մտնում է քաղաքականություն՝ միանալով իշխող «Արդարություն և զարգացում» կուսակցությանը։
Թարգմանությունը՝ Էմմա Չոբանյանի
