10.08.2026 | 12:20
Ռուբեն Վարդանյանի կինը սպասում է ԱԳՆ-ի հետ կապին՝ Բաքու կանանց մարդասիրական այցը քննարկելու համար. հայտարարություն
Թուրքիայի ՊՆ նախկին ղեկավարը Բաքվում է․ նրան ընդունել է Ալիևը
Քաղաքականություն
21.02.2025 | 15:54
Թուրքիայի պաշտպանության նախկին նախարար, ներկայում Ազգային ժողովի պաշտպանության հարցերի հանձնաժողովի նախագահ Հուլուսի Աքարի գլխավորած պատվիրակությունն այցով Ադրբեջանում է։ Ադրբեջանական լրատվամիջոցների հաղորդմամբ՝ Աքարին ընդունել է Ադրբեջանի նախագահ Իլհամ Ալիևը։
Զրույցի ընթացքում «ընդգծվել է, որ երկու երկրների միջև եղբայրական, բարեկամական հարաբերությունները և ռազմավարական դաշնակցությունը հաջողությամբ զարգանում են բոլոր ոլորտներում գոհունակությամբ նշվել է միջխորհրդարանական համագործակցության հետագա ընդլայնումը»։
Հուլուսի Աքարն Ալիևին սուր է նվիրել։
Թուրքիայի նախկին պատշտանության նախարարը X-ի իր միկրոբլոգում գրել է, որ Բաքվում շփումների շրջանակում հանդիպել և զրուցել են «սիրելի ընկերների՝ Ադրբեջանի Միլլի Մեջլիսի փոխնախագահ Զիյաֆաթ Ասկերովի և Ադրբեջանի պաշտպանության նախարար Զաքիր Հասանովի հետ»։
«Թուրքիան և Ադրբեջանը երկու եղբայրներ են։ Նրանք վշտի և ուրախության մեջ միավորված են ամեն տեսակի սպառնալիքների ու վտանգների դեմ»,- գրել է Աքարը։
Թարգմանությունը՝ Էմմա Չոբանյանի
