Քաղաքականություն
19.02.2025 | 18:10
Ադրբեջանի պաշտպանության նախարարության ղեկավարությունը հետևել է ցամաքային զորքերի հրամանատարաշտաբային զորավարժությունների ընթացքին։ Գերատեսչության հաղորդմամբ՝ ղեկավար կազմը հետևել է ցամաքային զորքերում անցկացվող հրամանատարաշտաբային վարժանքների ընթացքին, որոնց անցկացվում են 2025 թվականի պատրաստության պլանի համաձայն։
Քարտեզի վրա առաջադրանքների հստակեցումից հետո հրամանատարական կազմից լսվել են համապատասխան զեկուցումներ ընդունված որոշումների վերաբերյալ։ Պաշտպանության նախարար Զաքիր Հասանովին զեկուցվել է, որ պլանի համաձայն՝ «Տագնապ» ազդանշանով բարձրացված ստորաբաժանումները դուրս են բերվել զորավարժությունների շրջաններ։
Ստորաբաժանումներն իրականացրել են նրանց մարտական պատրաստության վիճակի բերելու գործողություններ, տեղում իրականացրել քողարկման և տեղի պաշտպանության միջոցառումներ,ինչպես նաև ժամանակակից մեթոդներով և միջոցներով մշակել մարտական և ինքնապաշտպանության առաջադրանքներ։
Նշվում է, որ Հասանովը դրական է գնահատել զորավարժությունների ընթացքը, որոնք անցկացվել են հրամանատարների կառավարման կարողությունները և օպերատիվ որոշումներ կայացնելու հմտությունները մարտական պատրաստության տարբեր վիճակների բերելու, շտաբների և ստորաբաժանումների միջև փոխգործակցությունն ապահովելու համար։ Նա նաև տարբեր պաշտոնատար անձանց առջև դրել է կոնկրետ խնդիրներ՝ անձնակազմի պրոֆեսիոնալիզմի և մարտական պատրաստվածության բարձրացման համար։
Թարգմանությունը՝ Էմմա Չոբանյանի
