20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Սալոմե Զուրաբիշվիլին Մյունխենի համաժողովից վերադառնալիս Թբիլիսիի օդանավակայում հավկիթներով հարձակման է ենթարկվել. ՏԵՍԱՆՅՈՒԹ
Քաղաքականություն
18.02.2025 | 13:17
Վրաստանի նախկին նախագահ Սալոմե Զուրաբիշվիիլին Մյունխենի անվտանգության համաժողովից վերադառնալիս Թբիլիսիի միջազգային օդանավակայում հավկիթներով հարձակման է ենթարկվել։ Այս մասին հայտնում է վրացական Pirveli հեռուստաալիքը։
Հաղորդվում է, որ նախկին նախագահի ուղղությամբ ձվեր են նետել, սակայն ո՛չ անվտանգության ծառայությունը, ո՛չ պարեկային ոստիկանությունը չեն արձագանքել։
Օդանավակայում Pirveli-ն փորձել է պարզել ոստիկանության արձագանքը նախկին նախագահի վրա կազմակերպված հարձակմանը, սակայն իրավապահները ոչ միայն չեն արձագանքել միջադեպին, այլև չեն խոսել այդ մասին։
«Մեկնաբանություն չենք տալիս, խնդրում ենք դիմել մամուլի կենտրոն»,- ասել են ոստիկանության աշխատակիցները։
Հիշեցնենք, որ նախօրեին էլ Վրաստանի նախկին վարչապետ, «Հանուն Վրաստանի» ընդդիմադիր կուսակցության առաջնորդ Գեորգի Գախարիան և կուսակցության անդամ Էլգուջա Խոկրիշվիլին էին օդանավակայանում հավկիթներով հարձակման ենթարկվել Մյունխենի անվտանգության համաժողովից վերադառնալիս։
Թարգմանությունը՝ Էմմա Չոբանյանի
