10.08.2026 | 13:31
ՔՊ-ից ովքեր են կողմ քվեարկել Արամ Վարդևանյանի թեկնածությանը
Վրաստանի նախկին վարչապետ Գախարիան օդանավակայում հավկիթներով հարձակման է ենթարկվել․ ՏԵՍԱՆՅՈՒԹ
Քաղաքականություն
17.02.2025 | 15:18
Վրաստանի նախկին վարչապետ, «Հանուն Վրաստանի» ընդդիմադիր կուսակցության առաջնորդ Գեորգի Գախարիան և կուսակցության անդամ Էլգուջա Խոկրիշվիլին օդանավակայանում հարձակման են ենթարկվել Մյունխենի անվտանգության համաժողովից վերադառնալիս, գրում են վրացական լրավամիջոցները։
Հրապարակած տեսանյութերում երևում է, որ մոտակայքում գտնվող մի քանի հոգի հեռախոսներով նկարահանում են տեղի ունեցողը։
«Դուք այլևս չե՞ք ֆինանսավորվում USAID-ի կողմից։ Դուք անսկզբունքային գործակալ չեք»,- նման խոսքեր են լսվել Գախարիայի և Գերմանիայում Վրաստանի նախկին դեսպան Խոկրիշվիլիի վրա ձվեր նետելու ժամանակ։
Վրաստանի նախկին վարչապետի կուսակցությունը հայտարարություն է տարածել միջադեպի վերաբերյալ՝ նշելով, որ նախապես պատրաստված խումբը վիրավորանքներ է հնչեցրել Գախարիայի հասցեին, փոխանցում է վրացական Առաջին ալիքը։
«Այսօր լուսադեմին Մյունխենի կոնֆերանսից վերադառնալւս «Գախարիան հանուն Վրաստանի» կուսակցության նախագահ Գեորգի Գախարիային և մեր աջակից, Գերմանիայում Վրաստանի նախկին դեսպան Էլգուջա Խոկրիշվիլիին օդանավակայանում դիմավորել է Իվանիշվիլիի կողմից ուղարկված նախապես կազմակերպված խումբը, որոնց գործողություններին նպաստել է տեղում գտնվող, նախապես զգուշացված ոստիկանների բացարձակ անգործությունը։ Հիստերիայի մեջ գտնվելով՝ իշխանությունը դառնում է անվերահսկելի։ Հասկանալի է, որ Իվանիշվիլին վախեցած է Մյունխենի անվտանգության համաժողովի արդյունքներից, և այս հիստերիան հենց դրանով է պայմանավորված»,- ասվում է հայտարարության մեջ։
Նշվում է, որ իրենց քաղաքական ուժն ամեն ինչ անելու է, որ «Իվանիշվիլին կորցնի իր համար ամենաթանկը՝ փողն ու իշխանությունը, որպեսզի այլևս չկարողանա բռնություն գործադրել վրացի ժողովրդի նկատմամբ»։
Հավելենք, որ որ Գախարիան մասնակցել է Մյունխենի անվտանգության համաժողովի աշխատանքներին։ Համաժողովին Վրաստանից հրավիրված էր նաև նախկին նախագահ Սալոմե Զուրաբիշվիլին։
Թարգմանութունը՝ Էմմա Չոբանյանի
