06.12.2025 | 18:41
Տավուշի մարզի պարեկները ձկնագողության դեպք են բացահայտել. վնասի չափը՝ շուրջ 470 հազար դրամ. ՆԳՆ
Թուրքիան պատրաստվում է ցունամիի՝ Էգեյան ծովում երկրաշարժի պատճառով
Քաղաքականություն
11.02.2025 | 16:07
Թուրքիայի Բոդրումի շրջանում ազդանշանային համակարգ է տեղադրվել, որը նախազգուշացնում է Էգեյան ծովում երկրաշարժերի հետևանքով հնարավոր ցունամիի մասին։ Այս մասին հայտնում է NTV Haber-ը՝ վկայակոչելով Թուրքիայի աղետների և արտակարգ իրավիճակների կառավարման մարմնին (AFAD):
Տարածաշրջան են ժամանել AFAD-ի թիմեր տարբեր նահանգներից։ Քաղաքացիների նախազգուշացման համակարգը տեղադրվել է նաև Սեֆերիհիսարի, Դիդիմի և Դատչայի ափամերձ տարածքներում։
Ըստ AFAD-ի՝ Թուրքիայի ափերին ամենամոտը գրանցված երկրաշարժը տեղի է ունեցել 140 կմ հեռավորության վրա։ Ստորգետնյա ցնցումները գրանցվել են Կոլումբոյի ստորջրյա հրաբխի տարածքում։ Գործակալությունը նշել է, որ Էգեյան ծովում սեյսմիկ ակտիվության հետևանքները կարող են հասնել Թուրքիա և ցունամի առաջացնել, հատկապես, եթե գրանցվի Կոլումբոյի ժայթքում։
Հունվարի վերջից Էգեյան ծովում երկրաշարժերը շարունակվում են։ Ստորգետնյա ցնցումները զգացել են, մասնավորապես, հունական Սանտորինի (Թիրա) կղզու բնակիչները։ Անցած շաբաթվա ընթացքում կղզու 15,000 բնակիչներից 13,000-ը հեռացել են։
Երկու տարի առաջ՝ 2023 թվականի փետրվարի 6-ին, Թուրքիայի հարավ-արևելքում 7,7 և 7,6 մագնիտուդով երկու հզոր երկրաշարժ է տեղի ունեցել։ Այն ժամանակ տարերային աղետը խլել է 53,5 հազար մարդու կյանք, ևս 107 հազարը տարբեր ծանրության վնասվածքներ է ստացել։
Թարգմանությունը՝ Տաթև Ֆռանգյանի
